Фасли зимистон –фасли аз ҳама аҷиб ва ғайриоддии сол маҳсуб меёбад. Сардии шадид, боридани барф, шомгоҳ бо чойи гарм дар назди оташдон ҷамъ омадан ва мунтазири чизи мӯъҷизанок шудан, ин ҳама хеле гуворо асту наҷиб, ҳамту не?
Вале аксар вақт бо сабаби тағйирёбии доимии ҳарорати ҳаво ва вазидани бодҳои сарду шадид, дастони мо азият мекашанд. Пӯсти рӯйи дастон хушк ва аз хунукӣ мекафанд.
Агар шумо, дар зимистони сард хоҳед, ки дастонатон зебову солим бошанд, пас бояд ба якчанд қоидаҳо риоя кунед. Зеро, пӯсти шумо дар фасли сармо, таваҷҷӯҳ ва нигоҳубинии ҷиддиро талаб мекунанд.
30 дақиқа пеш аз хона баромадан ва дастонатон равғанҳои барои пӯст пешбинишуда (крем) бимолед.
Дастонатонро бо оби ширгарм шӯед, аққалан дар фасли зимистон аз шустани дастонатон бо оби гарм худдорӣ кунед;
Баъд аз шустан, дастонатонро нағзакак хушк кунед ва сипас равған бимолед.
Корҳои хонагиро бо кӯмаки дастпӯшакҳо иҷро кунед (ҳамаи намудҳои фаъолияте, ки ба об ва маводи кимиёвии маишӣ вобастагӣ дорад, дар назар дошта шудааст);
Фаромӯш накунед, ки ба дастонатон дар фасли сармо гирифтани ғизои махсус ҳатмист. Аз ин рӯ, зуд-зуд ниқобҳои табиӣ ва ванна барои дастон истифода баред.
Истифодаи биодастпӯшакҳо дар фасли сармо.
Истифодаи биодастпӯшакҳо дар фасли зимистон хеле мувофиқанд. Онҳоро метавон дар шароити хона омода намуд, ки дастонатонро аз бодҳои сард ва тағйирёбии ҳарорати ҳаво муҳофизат мекунанд. Тарзи тайёр намудани дастпӯшкаҳо чунинанд:
5 қошуқ обро ба зарф рехта, ба таркибаш 2 грамм желатин, 15 грамм оҳар (крахмал), 20 грамм талк ва 2 грамм кислотаи бор (борная кислота) илова мекунем. Нағзакак онро ба ҳам меомезем ва ба рӯйи пӯсти хушки дастон мекашем. Вақте ки дастонамон ба пуррагӣ маҳлулро ба худ ҷаббида мегиранд, бе ягон хавотирӣ ба берун мебароем.
Дастури мазкур, албатта каме душвортар аст, аммо дастонатонро аз сардӣ нигоҳ медоранд ва мушкилии вобаста ба хушкшавии дастонро низ бартараф месозанд.
Истифодаи ваннаи гарм аз чойи кабуд барои дастон.
Чойи кабудро ҷушонед (1 қошуқ чой барои як стакан оби ҷӯшон), моеи мазкурро аз дока гузаронед ва ба оби ширгарм илова кунед. Дар ваннаи тайёршуда, дастонатонро то 15 дақиқа нигоҳ доред. Амали мазкур дастони шуморо аз шамолхӯрӣ ва сурхшавӣ муолиҷа мекунанд.
Тарбандӣ (компресс )-и гарм барои дастон
Аз картошкаи обпазшуда пюре тайёр карда, ба он каме шир илова мекунем ва маводи ҳосилшударо ба муддати 15-20 дақиқа ба рӯи дастонамон мегузорем. Сипас бо оби ширгарм мешӯем. Ин тарбандӣ дастони шуморо аз хушкшавӣ ва тарқишҳои рӯйи даст ҳимоя мекунанд.
Нигоҳубини дастон бо ёрии равғани зайтун
Равғани зайтуни муқаррарӣ дар фасли сармо, метавонад ба маҳсулоти беҳтарини серғизо ва ҳимоявӣ табдил ёбад. Равғани андаке гармкардашудаи зайтунро ҳар шом ба рӯйи дастонатон бимолед ва он дастонатонро аз бод ва сардӣ муҳофизат мекунад.
Нет комментариев