Нигоҳубини пӯсти руй дар фасли баҳор.

0
12 039 просмотров

Зан ва зебоӣ ба ҳамба ҳам риштаи ногусастани доранд. Шумо мехоҳед ҳамеша зебо, барно, дилрабову ҷозиб бошед ва ҳамеша худро ҷавон эҳсос намоед? Пас Шуморо бо сирру асрори зебоӣ ошно месозем.

Бонувон дар тамоми фаслҳои сол зебоянд, хусусан, аввали баҳор ҳангоме, ки ҳанӯз ҳам осори зимистон дар пӯсти рӯй боқӣ мондааст. Косметологон мегӯянд, ки дар давоми фасли баҳор пӯст миқдори кофии витаминҳоро захира карда, аз ҳавои тоза тароват мегирад. Бале онҳо ҳақанд. Аммо дар баробари солимӣ, аввали фасли баҳор бо офтоби сӯзонаш рӯйро хушку пӯстпарто месозад. Агар даст ба рухсора расонед, ба ҷои нафосат дуруштӣ эҳсос мекунед. Аз сабаби камшавии мадору қувватнокӣ пӯст пажмурда мегардад. Дар пӯсти баъзе бонувон доғҳои пигментӣ ва ожангҳои нав пайдо мешаванд ё ожангҳои кӯҳна чуқуртар ба назар мерасанд. Ин нишонаи он аст, ки пӯст аз таъсири нурҳои ултрабунафш азият кашидаву беоб гаштааст. Аз рӯ дар бора мо бароятон маслихати муфиде дорем.

Ниқобҳои сеҳрнок.

Дар аввали баҳор барои пӯсти аз офтоб сӯхтаву андаке шамолхӯрда ва аз офтоб хасташуда ниқобҳои нармкунандаи мевагӣ ва сабзавотӣ муҳим ҳастанд. Чунин ниқобҳоро ба таври анъанавӣ молидан мумкин аст. Онҳоро метавонед дар шакли шарбат ё атолла ба пӯсти рӯятон молед.

Қабл аз молидани ниқобҳо пӯстро нағзакак тоза кардан лозим. Дар ин ҷода гиёҳҳои тобистон омодашуда аз қабили бобуна, пудина, барги садбарг, мармарак (шалфей) беҳтарин давоянд, агар онҳоро захира карда бошед.

Аз ин гиёҳҳо ҳамонашро интихоб намоед, ки ба намуди пӯсти Шумо мувофиқ бошад ва маҳлул омода созед: 1 қошуқ гиёҳро дар 1 истакон оби ҷӯшида дам партофта, хунук кунонеду полонед. Ба таркиби ниқобҳо барои пӯсти хушк маҳлули чой, шарбатҳо, намакоб, шир ва ғайраҳоро илова кардан мумкин аст. Барои пӯсти равғанин ниқобҳои турш, ёзанда ва нармкунанда таъсири хуб мерасонанд. Агар мувофиқи ин гуфтаҳо амал намоед, чеҳраатон ҳамеша созиму зебо ва назаррабо хоҳанд буд.

 

Нет комментариев

Также рекомендуем

Сообщить об опечатке

Текст, который будет отправлен нашим редакторам: