Тибқи маълумоти тозаи мутахассисон: тушбераи яхкардашуда ба гурӯҳи панҷгонаи маҳсулоти аз ҳама зараровар ба саломатии исон дохил мешавад.
Умуман агар оид ба таърихи пайдоиши тушбера сухан ронем маълумотҳои гуногун мавҷуд аст. Хитоиҳо даъво доранд, ки тушбера таъоми миллии эшон аст. Финҳо бошанд, онро хӯроки миллии худ меҳисобанд. Нархи тушбера ба маҳсулоти дохили он вобаста аст. Намудҳои тушберае ҳаст, ки аз гӯшт тайёр карда шудааст. Хамчунин тушбераҳое ҳаст, ки дар он қисми зиёдашонро соя ташкил медиҳад. Агар дар таркиби тушбера 5% соя мавҷуд бошад, он дар қуттб нишон дода намешавад. Лекин хамин қадар миқдори ками соя низ зараровар аст. Ин маҳсулотро набояд ҳамарӯза истеъмол намуд.
Ба маълумотатон расонида мешавад, ки тушбераи безарар ин тушбераи хонагӣ мебошад. Барои интихоби тушбераи аълосифату хуштамъ ҳатман ба нархи он диққат диҳед. Агар 500 грами тушбера аз нархи ним кило гӯшт арзон бошад, Шумо бешубра гуфта метавонед, ки дар дохили тушбера соя мавҷуд аст. Хаминро дар хотир дошта бошед, ки нархи тушбера набояд аз нархи гӯшт арзон бошад. Ҳангоми интихоб ба хамир ва ҷои пайвастани он диққат диҳед. Агар хамири васлшудаи тушбера нисбатан ғавс бошад, ҳангоми ҷӯшонидан он об намешавад.
Боз як маслиҳат барои муайян кардани он, ки тушбераи дар даст доштаи мо такроран яхкунонида шудааст ё не. Агар маҳсулотро дубора яхкунонида бошанд, қабати яхи он ғавстар мебошад. Ва худи тушбераҳо бошанд, баъди аз ях фаромадан, ба якдигар мечаспанд. Бинобар ин тушбераҳои қуттиаш шаффофро харидорӣ намоед. Ҳатман бояд дар қуттӣ санаи тайёршудани он нишон дода шуда бошад. Тушбера дар яхдон метавонад дар муддати як моҳ ва на зиёда аз он сифати худро нигоҳ дорад. Ранги тушбера бояд сафед ё зардчатоб бошад. Хамири хокистарранг гувоҳ аз он аст, ки маҳсулот аз орди пастсифат тайёр карда шудааст.
Албатта аз ҳама лаззизтарин тушбера ин тушберае, ки дар хона кадбонухо тайёр мекунанд, мебошад. Агар ба Шумо саломатии аҳли оилаатон муҳим бошад, тушбераро дар хона тайёр кунед!
Нет комментариев