Ба маълумотатон мерасонем, ки макони аслии себ Осиё мебошад. Дар асрҳои 3-7 муҷоҷирати бузурги халкҳо шуда гузаштааст. Кўчманчиҳои қадима аз Осиё ба тарафи Аврупо равона шуда буданд. Онҳо бо худ захираҳои бисёри себро гирифта буданд. Пасмондаҳои себ ва донаҳои онро дар вақти сафарашон ба ҳар куҷо мепартофтанд. Ҳамин тавр себ аз Осиё ба Аврупо ва аз он ҷо ба дигар маконҳо паҳн карда шудааст.
Оё медонед, ки аз ҳамаи намуди захираи фоидаовари себ ин шарбати себ ва себи хушккардашуда мебошад. Имрўзҳо дар бозору мағозаҳои кишварамон шарбатҳои себи ширкатҳои гуногун, ба монанди «J-7», «Rich», «Tropicana», «Добрый» ва гайра, ба фурўш бароварда шудааст.
Мувофиқи талаботи стандартӣ се намуди шарбати себ тайёр карда мешавад: аз нав барқароршуда, афшурдаи мустақим ва нав фишурдашуда. Шарбати нав фишурдашуда дар назди истеъмолкунанда тайёр мешавад. Шарбати афшурдаи мустақим бо тариқи пастеризатсия тайёр мешавад, яъне шарбати себро то дараҷаи 100 дараҷа гарм мекунанд, то ки онро аз таъсири микробҳои зарарнок нигоҳ доранд. Шарбати аз нав барқароршударо аз контсентратҳо, яъне аз шарбати нав фишурдаи беобшуда, ки онро баъдан бо об омехта мекунанд, тайёр мешавад. Ба таркиби шарбати аз нав барқароршуда шакар ва дигар маводҳои ароматикӣ, яъне консервантҳо дохил мешаванд. Дар баъзе мавридҳо ба ҷои шакар ивазкунандаи он – сахарин ё аспартамро истифода мебаранд, ки ин амал сифати шарбатро паст мекунад.
Дар вақти харидори намудани шарбати себ ба санаи истеҳсолшудаи он аҳмият диҳед. Агар шарбат зиёда 4 моҳ пеш истеҳсол шуда бошад, донед, ки ҳамаи витаминҳои ин шарбат нобуд шудаанд. Баъзан шарбатҳои харидашуда маззаи себҳои туршшударо медиҳанд. Ин маънои онро дорад, ки истеҳсолкунанда барои арзон намудани маводаш себҳои камсифатро истифода бурдааст.
Бисёр нафарон худашон себ харидорӣ намуда, шарбати онро тайёр мекунанд. Дар вақти харидорӣ намудани себ ба себҳои маҳаллӣ аҳмият диҳед. Себҳои маҳаллӣ аз офтоби нурбахши кишварамон ғизо гирифта, аз витаминҳо ва микроэлементҳо бой мебошанд. Агар Шумо майли харидории себҳои хориҷиро кунед, дар хотир доред, ки аксар вақт пўсти ин себҳоро бо маводҳои кимёвӣ дорупошӣ мекунанд, то ки себ муддати дароз намудашро гум накунад. Бинобар ин пўсти ин себҳоро ҳатман бурида партоед ва баъдан истеъмол кунед.
Шарбати себи босифат аз оҳан, витамини С ва дигар витаминҳою микроэлементҳо бой аст. Истеъмоли мунтазами шарбати себ ба Шумо солимӣ мебахшад ва сатҳи солимиатонро беҳ мегардонад.
Нет комментариев