|
Olá amigos. Оташи олимпӣ барафрӯхта шуд ва расман Олимпиада оғоз гардид. Дар танатанаи кушодашавии Бозиҳои ХХХI олимпии тобистона дар Рио роҳбарони воломақоми 37 давлат иштирок намуданд. Ин рақам нисбат ба соли 2008 дар Пекин кам аст, ки шумораи он 80 нафар буд. Баъд аз маросими хеле рангину хотирмони кушодашавӣ гузашти иштирокдорон-варзишгарони номии кишварҳо доир гардид. Нахуст чун анъана дастаи мунтахаби Юнон гузашт ва бо тими мунтахаби Бразилия он ба итмом расид. Варзишгарон дар рафти гузашти иштирокчиёни олимпиада ниҳолҳо шинониданд. Навниҳолон минбаъд ҳамчун нишона аз Бозиҳои олимпӣ дар Рио-де-Жанейро дар боғи Деодоро шинонида мешаванд. Австралиягиҳо номи ҳамаи чемпионҳои хешро дар либоси олимпӣ ҷой дода буд, дастаи Қувайт дар расми кушодашавӣ зери парчами олимпии МОК гузаштанд, ба Аргентина ҳуштак заданд. Дастаҳои мунтахаби Косово ва Судони Ҷанубӣ бори нахуст дар гузашти олимпии варзишгарон иштирок намуданд. Баъд аз гузашти олимпии дастаи варзишгарони кишварҳо дар вазъияти тантанавӣ оташи олимпӣ барафрӯхта шуд, ки то охири маросими пӯшидашавӣ фурӯзон хоҳад монд. |
|
Алҳол Мусобиқаҳои олимпӣ ба оғоз омодагӣ мебинанд. Мо барои Шумо доир ба варзишгарони худ, натиҷаҳои рекордӣ ва комёбиҳои онҳо маълумот медиҳем. Дилшод Назаров – парчамбардори мо – 34 сола – гурзандози маъруф – Рекорди шахсӣ – 80,71 метр – Рекорди ҷаҳонӣ – 86,74 метр. Дорандаи медали нуқраи Чемпионати ҷаҳон дар соли 2015 (Пекин, Хитой), ғолиби чоркаратаи Бозиҳои Осиё дар соли 2016 (Доха, Қатар), соли 2010 (Гуанджоу, Хитой) ва соли 2015 (Инчхон, Кореяи Ҷанубӣ), чемпиони секаратаи Осиё дар соли 2009 (Гуанджоу, Хитой), соли 2013 (Пуна, Ҳиндустон), соли 2015 (Ухан, Хитой). Комроншоҳи Устопириён – 23 сола – дзюдочӣ дар вазни то 90 кг – Чемпиони Осиё оид ба дзюдо (2016, Тошканд, Ӯзбекистон), дорандаи медали нуқра дар Чемпионати Осиё (2014, Тайбэй, Хитой ) Муҳаммадмурод Абдураҳмонов – 29 сола – дзюдочӣ дар вазни беш аз 100 кг Ғолиби Кубоки Осиё (2015, Тайбэй, Хитой) Анвар Юнусов – 29 сола – боксчӣ дар вазни то 60 кг, Чемпиони Осиё (2011, Кореяи Ҷанубӣ), гирандаи медали биринҷӣ дар Чемпионати ҷаҳон (2011, Боку Озарбойҷон), Чемпионати Осиё (2013, Иордания) ва мусобиқаҳои дигар. Кристина Пронженко – 27 сола – варзиши сабук – 200 метр – Рекорди шахсӣ – 25,19 сония – Рекорди ҷаҳонӣ – 21,34 сония. Олим Қурбонов – 18 сола – шиноварӣ – 50 метр ба таври озод – Рекорди шахсӣ 25,12 сония – Рекорди ҷаҳонӣ — 20,91 сония Анастасия Тюрина – 15 сола — шиноварӣ — 50 метр ба таври озод. |
|
Дастовардҳои варзишии хешро дар Рио варзишгарони 186 Кумитаи миллии олимпӣ намоиш медиҳанд. Ба ғайр аз онҳо ҳамзамон, дастаи варзишгарони озод зери Парчами олимпӣ иштирок менамоянд: он аз 10 варзишгар иборат хоҳад буд, ки бо сабабҳои мухталиф тими давлати хешро намояндагӣ карда наметавонанд. Дар умум дар Бозиҳои олимпӣ барои гирифтани медалҳо 10 ҳазору 500 варзишгар аз 206 кишвари дунё мубориза мебаранд. Дар бозиҳои 2016-ум 301 маҷмӯи медалҳо бурд карда мешаванд ва ҳамагӣ 2 ҳазору 488 омода мегарданд.
Имрӯз 12 маҷмӯи медалҳо бурд карда мешаванд.. 4 дар шиноварӣ, ки 2-тои он аз тирандозӣ ва дзюдо, ҳамчунин якто аз дучархаронӣ, камонварӣ, варзиши вазнбардорӣ ва шамшербозӣ. Имрӯз барои Анвар ҳаводорӣ менамоем, Олимпиадаро тамошо мекунем. Ба пеш! То вохӯрии минбаъда!
|
Нет комментариев