Olá amigos. Варзишгари Русия Виталина Бацарашкина дар варзиши намуди тирандозӣ бо туфангчаи ҳавоӣ дар масофаи 10 метр соҳиби медали нуқра гардид. Медали тилло насиби Чжан Мэнсон аз Хитой шуд. Дар камонварии даставӣ дар байни занон Русия соҳиби медали нуқра гардид, дар мусобиқаи ниҳоӣ онҳо аз Куриёи Ҷанубӣ қафо монданд. Дар мусобиқаи мардона Темур Сафин аз Русия медали биринҷӣ ва Даниэл Гаротсо аз Италия медали тиллоро бурд карданд.
Дар намуди ҷаҳидан ба об ба 3 метр ҷуфт духтарон аз Хитой ғалаба ба даст оварданд. Дар дучархаронии гурӯҳӣ пирӯзӣ насиби варзишгарзани Голландия Ван дер Брегген гардид. Дар пойгаҳ варзишгарзан аз Австралия Кэтрин Скиннер нисбат ба дигарон дақиқтар буд.
Дар вазнбардорӣ дар вазни то 56 кг намояндаи Хитой Лун Цинцюан ғолиб баромад. Байни занон дар вазни то 53 кг қавитар аз ҳама вазнбардор аз Тайпеи Хитой Хсу Шу-Цзин дониста шуд. Дар намуди дзюдо низ дар байни мардон ва занон маҷмӯи медалҳо бурд карда шуданд. Дар байни мардон то 66 кг Фабио Базиле аз Италия ғалаба ба даст овард, медали биринҷӣ насиби Ришод Собиров аз Ӯзбекистон гардид. Дар байни занон то 52 кг намояндаи Косово Майлинда Келменди ғолиб гашт ва ин нахустин медал барои кишвари ба наздикӣ ҷудошуда мебошад ва якбора тилло.
Дар варзиши намуди шиноварӣ дар масофаи 100 метр ғалабаро Сара Шострем ба даст овард. Дар байни мардон бошад, пештар аз ҳама Адам Пити аз Британияи Кабир ба марра расид. Дар масофаи 400 метр дар намуди озод варзишгарзан Кэтлин Ледеки аз ИМА ғолиб баромад.
Рекордҳо дар намуди шиноварӣ идома меёбанд. Сара Шострем аз Шветсия дар шиноварӣ ба масофаи 100 метр бо бартарияти 0,16 сония рекорди ҷаҳонӣ нишон дод.
Адам Пити низ дар масофаи 100 метр бо бартарияти 0,38 сония рекорди хешро гузошт.
Боз як рекордро дар масофаи 400 метр дар намуди озод Кэти Ледеки аз ИМА нишон дод.
Рӯзи гузашта бошад, варзишгарзан аз Австралия дар масофаи 4 то 100 метр рекорди нави ҷаҳонӣ гузошт. – Ва ин ҳама танҳо дар рӯзи дуюми Олимпиада.
Дастовардҳои ҷаҳонӣ ҳамзамон дар варзиши намуди вазнбардорӣ гузошта шуд. Лун Цинцюан аз давлати Чин дар вазни то 56 кг дар якчанд килограмм гузорандаи рекорди нав дониста шуд.
Президенти IPC Филип Крэйвен аз озод намудани варзишгарони параолимпии Русияро барои иштирок дар Параолимпиада-2016 дар Рио-де-Жанейро эълон намуд. Маълум шуд, ки дар гузориши комиссияи мустақили ВАДА таҳти роҳбарии Ричард Макларен доир ба нопадид шудани 35 санҷиши допингии мусбати варзишгарон дар давраи аз соли 2011 то 2015 гуфта шудааст. Ба ростӣ на ҳамаи онҳо ба Русия дахл доранд. Агентии умумиҷаҳонии зиддидопингӣ қарори мубориза бурдани Русия ва шикояти азнавдидабароро ба Суди ҳакамии варзишӣ дастгирӣ кард.
Санҷиши допингии муштзани ирландӣ Майкла О’Рейлӣ мусбат баромад. Ин боксчӣ аз иштирок дар Олимпиада барканор шуда буд.
Бозингари теннис Хуан Мартин дел Потро, ки имрӯз дар Олимпиада бо Новак Джокович рақобат менамояд, субҳ дар лифти шаҳраки олимпӣ дармонд ва дар онҷо 40 дақиқаи хешро гузаронд.
Варзишгарони давлати Чин танҳо хӯроки омодакардаи пазандагони хитой, ки ҳамроҳи онҳо ба Бразилия омадаанд, тановул мекунанд. Бо мақсади эмин мондан аз ҳаргуна бемориҳои сироятӣ, чунин қарор қабул карда шуд.
Имрӯз низ чун рӯзи гузашта 14 маҷмӯи медалҳо бурд карда мешаванд. 4 медал дар намуди шиноварӣ, 2-тогӣ дар дзюдо, вазнбардорӣ ва тирандозӣ, 1-тогӣ медал дар намуди регбӣ, гимнастикаи варзишӣ, ҷаҳидан ба об ва шамшербозӣ.
Пас аз рӯзи дуюми бозиҳо дар мақоми аввал Хитой ва Австралия бо 3 медали тилло қарор доранд.
Тамошо кардани Олимпиадаро давом медиҳем.
Нет комментариев