Ширкати Apple дирӯз расман «айфон»-и насли нави iPhone 7-ро намоиш дод. Намоиши «ҳафтгона» дар маркази шаҳри Сан-Франтсискои иёлоти Калифорнияи ИМА баргузор гардид.
iPhone 7 тариқи ролики омода кардаи шарҳу эзоҳдори дизайнери асоисии ширкати Apple Ҷони Айва намоиш дода шуд. Ӯ дар бораи технологияи истеҳсоли iPhone 7 нақл кард, ки сатҳи болоии он сиёҳи ҷилонок гардонида шудааст. Ин ранг ба худ Jet Black ном хоҳад гирифт. Инчунин тафсири беҷилои он низ офарида ҳоҳад шуд, ҳамту Black ном ҳоҳад дошт.
iPhone 7-и ихчам соҳиби камераи нав дорои сенсори 12-мегапикселӣ гардид. Тафсири Plus-и 5,5-дюймавӣ бошад, соҳиби экрани дукамерагӣ гардид, ки он барои ду маротиба калонтар гардонидани сурат бидуни аз даст додани сифатнокӣ имкон медиҳад.
Ҳардуи дастгоҳ ҳам аз об ҳифзшуда мебошанд, яъне пас аз ба дохили об, ба чуқурии то 1 метр афтодан ҳам, дастгоҳ бе осебёбӣ ва бе зарар барои саломатии инсон кори худро дар шакли муқаррарӣ идома дода метавонад. Дастгоҳ бо стандарти IP67 аз воридшавии чанг ва намнокии об кафолатнок гардонида шудааст. Тугмаи гирдашакли «Ба хона » дигар механикӣ нест.
iPhone 7 ва 7 Plus бо стереодинамикаҳо муҷаҳҳаз гардонида шудаанд. Яктои он дар ҷойи муқаррарӣ, дар қисми поёнии дастгоҳ ва дигараш дар ҷойи пешинаи динамикаи сӯҳбати «ором»-ро ишғол намудааст. Чуноне интизор мерафт, смартфонҳои Apple аз ҷойи пайвасткунаки аналогии аудио маҳрум шуданд. Ба ҷойи он гӯшмонакҳои EarPods пайдо шуданд, ки якҷоя бо iPhone 7 пешкаши харидорон гардонида мешаванд ва онҳо тариқи интерфейси рақамии Lightning фаъол карда мешаванд. Инчунин дар қуттии iPhone 7 переходник бо Lightning-и 3,5-дюмавии муқаррарии аудиобаромад мавҷуд хоҳад буд (иловатан онро ба маблағи 9 доллар харидан мумкин аст), аз ин рӯ ба дорандагони гӯшмонакҳои ноқилӣ барои ғамгини ягон сабаб ва ҳоҷат нест.
Смартфонҳо бо чипи Apple A10 Fusion 4-ядерии 64-битӣ кор мекунанд. Намояндагони Apple тасдиқ мекунанд, ки ин протсессори аз ҳама пурмаҳсул барои смартфонҳо хоҳад буд, ки то ин дам ҳоло ин хелашро наофарида буданд.
Ширкати Apple ваъда медиҳад, ки iPhone 7 нисбат ба iPhone 6s барои истифодабарандагон кори автономиии аз ду соат зиёдро таъмин мекунад. iPhone 7 Plus бошад, як соат зиёдтар аз iPhone 6s Plus кор мекунаду халос. Датгоҳи нави мобилӣ санаи 16-уми сентябр дар ИМА ва 20 давлатҳои дигар ба фурӯш мебарояд.
Дар интернет-мағозаи расмии Apple смартфонҳои навро аз санаи 23-юми сентябр бо арзиши аз 6,953 сомонӣ барои iPhone 7 ва 8,295 сомонӣ барои iPhone 7 Plus фармоиш додан мумкин аст.
Нет комментариев