Рӯзи истиқлолият муборак!

0
3 287 просмотров

9 сентябри соли 1991 дар сессияи ғайринавбатии Шӯрои Олӣ  Истиқлолияти Ҷумҳурии Тоҷикистон эълон гардид. 6 ноябри соли 1994 бошад, дар асоси раъйпурсии умумихалқӣ Сарқонуни Ҷумҳурии Тоҷикистон қабул карда шуд. Имрӯз бошад мамлакати азизи мо дорои Нишони давлатӣ, парчам ва суруди миллӣ аст.  27 июни соли 1997 дар Москав Созишномаи умумии истихрори сулҳ ва ризоияти миллӣ ба имзо расид. 9 сентябри соли 1999 дар Ҷумҳурии Тоҷикистон 1100 солагии аввалин давлати тоҷикон-Сомониён бо шукӯҳу шаҳомати хоса таҷлил карда шуд. Ин иқдомҳо, ки неъмати истиқлол аст аз он шаҳодат медиҳад, ки давлати тозаистиқлоли мо ба фардои дурахшон қадамҳои устувор гузошта истодааст.

ШТРР «Тироз» кулли тоҷиконро бо ҷашни истиқлол муборакбод намуда, баҳратон меҳанпарастиву башардӯстӣ, озодфикриву озодандешӣ, илмомӯзиву маърифатпарварӣ, хайрхоҳиву таҳаммулгароӣ, ваҳдату дӯстӣ, хулоса ахлоқи ҳамидаву фазилатҳои неки инсонӣ, ки мардуми тоҷик ва аҳли оламро ба сӯи ояндаи нек ва рӯзгори пурсаодат ҳидоят менамояд, таманно дорем. Бигзор муқаддасоти давлатдории миллӣ, забони модарӣ, ваҳдату ягонагӣ ҳамсафари доимии мо ба сӯи ҷомеаи мутамаддин ва фардои ободу осуда бошад! Бигзор ормонҳои волои истиқлолият, ҳадафҳои наҷиби созандагӣ ва кору пайкори ҳамешагӣ илҳомбахши ояндаи нек ва зиндагии осоиштаву осудаҳолона гардад!

Поянда бод истиқлолияти миллӣ!

Нет комментариев

Также рекомендуем

10 фатҳи Hi-Tech-и рахнакунандаи занон

Занон бисёр чизро ихтироъ кардаанд, ки онҳоро мардон бо қаноатмандии бузург истифода мекунанд. Яхдону танпўши тирногузар ва ҳатто оби ҷав низ ихтироъи бонувон аст. Бале, ...

Сообщить об опечатке

Текст, который будет отправлен нашим редакторам: