24-уми ноябри соли 2021 дар шаҳру ноҳияҳои вилояти Суғд бахшида ба Рӯзи Парчами давлатии Ҷумҳурии Тоҷикистон ҷамъомадҳои тантанавӣ баргузор мегардад.
Чорабинии вилоятӣ ба муносибати Рӯзи Парчам низ дар ин рӯз сурат хоҳад гирифт. Ҳамзамон, тибқи ҷадвали тасдиқнамудани роҳбарияти вилоят намояндагони мақомоти иҷроияи ҳокимияти давлатии вилоят ба шаҳру ноҳияҳо сафар карда, паёми табрикии роҳбари вилоятро ба самъи сокинон мерасонанд.
Ёдовар бояд шуд, ки 24 ноябри соли 1992 Иҷлосияи 16-уми Шӯрои Олии Ҷумҳурии Тоҷикистон Қонуни Ҷумҳурии Тоҷикистон «Дар бораи тасдиқи Низомномаи Парчами давлатии Ҷумҳурии Тоҷикистон»-ро қабул намуд ва бо ҳамин давлати мо соҳиби яке аз рамзҳои асосии соҳибистиқлолӣ гардид.
Ҳамин тавр бо фармони Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 24 ноябри соли 2009 24 ноябр Рӯзи Парчами давлатии Ҷумҳурии Тоҷикистон эълон гардида, ҳамасола таҷлил мегардад.
Манбаъ: Хадамоти матбуоти Раиси вилояти Суғд
Нет комментариев