14 нафар хонандагони Мактаби Президентӣ барои хонандагони болаёқат дар шаҳри Бӯстон ғолиби олимпиадаи байналмилалӣ «Дониш» — International olympiad Antaliya 2021» гардиданд. Онҳо аз ин олимпидаи байналмиллалӣ, ки ҳар сол дар асоси шартномаи байналхалқии Ҳукумати кишвар ва дар асоси нақшаи чорабинии Вазорати маориф ва илми Ҷумҳурии Тоҷикистон хонандагони боистеъдоди кишвар баргузор мегардад 16 медал ба даст оварданд. Олимпиадаи хонандагон аз 1 то 7 ноябри соли 2021 дар шаҳри Анталияи кишвари Туркия таҳти унвони «Дониш» гузаронида шуд. Он аз фанҳои математика, физика, химия, биология, география, забони русӣ, таърихи ҷаҳон буда забони олимпиада русӣ буд.
Муҳассилини мактаби Президентӣ барои хонандагони болаёқат дар шаҳри Бӯстон соҳиби ду ҷойи якум — аз фанни биология, шаш ҷойи дуюм — аз фанҳои забони русӣ, химия ва биология ва ҳашт ҷойи сеюмро аз фанҳои математика, химия, биология ва география гардиданд. Баъди бозгашт ба Ватан, ғолибонро намояндагони соҳаи маорифи вилоят, ҳайати омӯзгорону хонандагони мактаби Президентӣ ва падару модарон самимона пешвоз гирифтанд. Ҳамчунин, хонандагони мактаби Президентӣ моҳи сентябр ба даври финалии озмун роҳхат гирифта, бо даъвати кумитаи тадорукоти озмун ба шаҳри Анталияи давлати Туркия сафарбар карда шуда буданд.
Дар олимпиадаи «International olympiad Antaliya 2021» беш аз 2000 хонандагон аз 27 давлат иштирок намуданд. Ёдовар мешавем, ки Олимпиадаи байналмилалии «Дониш» 13 сол инҷониб ҳамасола аз тарафи Академияи туризми Анталия ва мактаби байналмиллалии ЭДУАНТ баргузор шуда, яке аз озмунҳои бонуфузтарин миёни хонандагон ба шумор меравад. Дар сӯҳбат Мадина Набизода директори Мактаби Президенти барои хонандагони болаёқати шаҳри Бӯстон қайд намуд, ки хонандагони ғолибро аз маблағи шартномаи мактаб озод намуданд ва умедворӣ меравад, ки моҳи август аз ҷониби МИҲД вилояти Суғд боз қадршиносӣ гардаданд.
ШТРР «Тироз»
Фаррух Усмонов медиа-журналист
Нет комментариев