Шаби 6-уми декабр дар варзишгоҳи «Гудисон Парк»-и шаҳри Ливерпул бозии охирини даври 15-уми Премйер-лигаи Англия байни дастаҳои «Эвертон» ва «Арсенал» баргузор шуд. Вохӯрии дастаҳо пуршиддат баргузор шуда, бо натиҷаи 2:1 ба суди мизбонон хатм шуд.
Нахустин шуда, Мартин Эдегор ба задани гол даст ёфт. Аммо мизбонон дар қисми дуюми бозӣ пурра ба худ омада, бо кӯмаки Ришарлисон ва Демарай Грей натиҷаро 2:1 намуданд. Ҳамин тавр дастаи «Арсенал» боз ба гирдоби нокомиҳо дучор шуд. Дастаи Микел Артета ду давр пайиҳам дучори бохт мешавад. Дар панҷ бозии охир “туфангдорон” 3 бор мағлуб шуданд. Ҳоло дастаи «Арсенал» бо касби 23 имтиёз дар зинаи 7-уми ҷадвали ПЛА қарор дорад.
Манбаъ: Варзиш-тв
Нет комментариев