Таҳкими ҳамкории Ҷумҳурии Тоҷикистон бо Фонди Иқлими Сабз 2 март зимни мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва директори Департаменти кишварҳои барномаҳои Фонди Иқлими Сабз хонум Каролина Фуэнтес дар шаҳри Найробӣ- пойтахти Кения баррасӣ гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Мулоқот дар ҳошияи иҷлосияи панҷуми Ассамблеяи Барномаи муҳити зисти Созмони Милали Муттаҳид баргузор гардид.
Мусоҳибон лоиҳаҳои ҷории Фонди Иқлими Сабз дар Тоҷикистон, самтҳои асосии ҳамкорӣ, инчунин самтҳои пешбинишавандаи густариши ҳамкорӣ миёни Ҷумҳурии Тоҷикистон ва Фонди Иқлими Сабзро баррасӣ намуданд.
Хонум Каролина Фуэнтес фаъолият ва дастгирии муваффақи Фонди Иқлими Сабз дар Тоҷикистонро махсус зикр намуда, гуфт, ки Тоҷикистон яке аз шарикони фаъол дар сатҳи ҷаҳонӣ ва минтақавии он мебошад.
Дар анҷом Баҳодур Шерализода аз хонум Фуэнтес даъват намуд, ки дар доираи чорабиниҳои минтақавии соли 2022 ба нақша гирифташуда аз Душанбе дидан намояд.
Манбаъ: АМИТ «Ховар»
Нет комментариев