Истифодаи ин намуд айнакҳо барои зарар наёфтани чашм аз нурҳои офтоб дар минтақаҳои ҷануб ва баландкӯҳ бештар заруранд. Мувофиқи меъёрҳои аврупоӣ айнакҳои аз офтоб муҳофизаткунанда ба 5 гурӯҳ ҷудо мешаванд.Гурӯҳи сифр — айнакҳои сиёҳ карданашуда, ки чашмро танҳо аз нурҳои ултрабунафш ҳимоя мекунанд. Ин гуна айнакҳо рӯшноиро 80-100 фоиз мегузаронанд. Ба гурӯҳи якум айнакҳое мансубанд, ки хоси офтоби фаъоланд. Онҳо нури офтобро 43-80 фоиз мегузаронанд.
Барои ҳавои гарми офтобии равшан айнакҳои ба гурӯҳи дуюм мансуббуда лозиманд. Онҳо нури рӯшноиро 18-43 фоиз мегузаронанд.
Ба гурӯҳи сеюм айнакҳое дохил мешаванд, ки барои ҳавои гарми офтобии тобистон заруранд. Ин гуна айнакҳо нури рӯшноии офтобро 8-18 фоиз мегузаронанд.
Ҳангоми истироҳат дар соҳили баҳр ё дар доманакӯҳи пурбарф, ки нури офтоб аз об ва барф акс мебардорад, аз айнакҳои ба гурӯҳи чорум мансуббуда истифода бурдан муфид аст.
Онҳо нури офтобро 3-8 фоиз мегузаронанд. Аз сабаби хеле сиёҳ буданашон, онҳо ба ронандагон тавсия дода намешаванд. Ронандагон бояд аз айнакҳои ба гурӯҳҳои дуюм ва сеюм мансуббуда истифода баранд. Агар шумо чунин айнакҳоро аз бозор хариданӣ шавед, дониста бошед, ки танҳо миқдори ашёҳои зебу зиннататонро зиёд мекунеду халос. Зеро онҳо чашмҳоятонро аз офтоб муҳофизат намекунанд. Баръакс гавҳараки чашматон аз ҳолати муқаррариаш дида, васеътар мешавад ва зарар мебинад.
Ҳангоми интихоб ба намуди зоҳирии он низ аҳамият диҳед. Фаромӯш насозед, ки айнакҳои ҷилодори бо никел рӯйпӯш кардашуда дар бисёр мавридҳо ба пӯсти рӯятон зарар мерасонад.
Шишаҳои айнакҳои аз офтоб муҳофизаткунанда ду намуд мешаванд. Аз маводи пластика ва шиша. Фарқияти куллие байни онҳо нест. Танҳо ягона бартарие, ки мушоҳида мешавад, он аст, ки айнакҳои шишагӣ сифаташонро дертар гум мекунанд. Хароша намешаванд.
Ба ранги онҳо низ диққати махсус бояд дод. Шишаҳои ранги сабз ва кабуд хусусияти оромкуниро доранд, ки ин дар рангҳои сурху норинҷӣ мушоҳида намешавад. Истифодаи шишаҳои зард, махсусан дар ҳавои офтобӣ хеле ҷолибанд. Гирду атроф дар назаратон боз ҳам равшантар менамояд.
Нет комментариев