Ҷаласа оид ба ҷамъбасти шашмоҳаи аввали соли 2017

0
4 774 просмотров

Дар толори Маркази фарҳанги шаҳри Хуҷанд бо роҳбарии Раиси шаҳри Хуҷанд Маъруф Муҳаммадзода ҷаласа оид ба ҷамъбасти шашмоҳаи аввали соли 2017 хоҷагии халқи шаҳр баргузор гардид. Дар кори ҷаласа муовини Раиси вилояти Суғд Анвар Яъқубӣ, муовинони Раиси шаҳр, роҳбари дастгоҳи Раиси шаҳр, вакилони Маҷлиси вакилони халқи шаҳри Хуҷанд, мудирони шӯъбаҳо, сарварони макотиби олию миёна, беморхонаю дармонгоҳҳо, намояндагони мақомоти ҳифзи ҳуқуқ, раисони кумитаи маҳаллаҳо, кормандони васоити ахбори омма ва фаъолони дигар иштирок карданд. Ҷаласа бо сухани ифтитоҳии Раиси шаҳри Хуҷанд Маъруф Муҳаммадзода оғоз гардид ва сипас, ҳисоботи муовини Раиси шаҳр Аюбҷон Раҳматзода оид ба натиҷаҳои фаъолияти шашмоҳаи иҷтимоӣ ва иқтисодии шаҳр дар соли 2017 шунида шуд. Ҳамзамон дар рафти маҷлис вазъи нархи наво дар бозорҳои шаҳр мавриди баррасӣ қарор гирифт. Раиси шаҳри Хуҷанд Маъруф Муҳаммадзода изҳор дошт, ки ин масъала мардуми шаҳрро ба ташвиш овардааст. Аз ҷумла боло рафтани нархи меваҷот, сабзавот ва гӯшт ба назар мерасад, зикр намуд шаҳрдор.  Дар ин хусус мудири  шӯъбаи иқтисод ва савдо ва  роҳбарони бозорҳои шаҳр  вазифадор гардиданд, ки барои ба низом даровардани нарху наво дар бозор корбариро пурзӯр намоянд.  Дар анҷоми маҷлис муовини Раиси вилояти Суғд Анвар Яъқубӣ қайд намуд, ки барои пешравии кор ва расидан ба ҳадафҳои асосӣ бояд аз ғамхории роҳбарияти кишвар ва вилоят фаровон истифода намуд.  Зеро имрӯз шароти мусоид  баҳри ободтару зеботар гардидани шаҳри Хуҷанд  фароҳам омада, танҳо бо меҳнати софдилона ва муттаҳидӣ  ба мақсади асосӣ расидан мумкин аст.

 

Манбаъ: сомонаи Хуҷанд.тҷ

Нет комментариев

Также рекомендуем

Ҳаракати воситаҳои нақлиёт дар кӯчаҳои марказии шаҳри Душанбе муваққатан маҳдуд гардидааст

Раёсати Вазорати корҳои дохилии Ҷумҳурии Тоҷикистон дар шаҳри Душанбе ба диққати ҳамаи шаҳрвандон, меҳмонон ва ронандагони воситаҳои нақлиёти автомобилӣ мерасонад, ки бинобар баргузории машқҳои омодагӣ ...

Сообщить об опечатке

Текст, который будет отправлен нашим редакторам: