Бо шарофати кори дастаи тадқиқотчиёни Донишгоҳи миллии Сингапур (NSU) ибораи «нӯшокиро бо дӯстон нӯшидан» аллакай ба наздикӣ маънои нав мегирад. Олимони ҷавон бо ёрии электродҳо дар оби муқаррарӣ маззаи лимонадро ба вуҷуд оварда тавонистанд. Маззаи синтез кардашударо тавассути алоқаи беноқил додан мумкин аст.
Муттасссифона аксарияти маҳсулоти ғизоӣ дар асл на ҳамеша манфиатбахш мебошанд. Дар ин ҳолат чӣ кор бояд кард, то ки худ зарар набинем? Ҳатто дар ин кор ҳам бе технологияи муосир намешудааст. Дастгоҳҳои электроние пайдо шуданд, ки таъму бӯйи маҳсулоти дӯстдоштаю барои саломатӣ безарарро ба вуҷуд меоранд. Яке аз чунин дастгоҳҳо Edible Mist Machine мебошад, ки қариб 200 намуди маззаю таъми гуногунро офрида метавонад, аз бӯйи хуши шоколад сар карда то чарбуи дудкардашуда.
Тадқиқотчиёни NSU каме бо роҳи дигар рафтанд. Онҳо бо истифода бурдани бавуҷудории мазза тавассути забони сунъии электрикӣ таъми «ширин», «турш», «шӯр», «тунд»-ро офарида тавонистанд.
Онҳо дар ин кор боз ҳам дур рафтанд, кӯшиш карданд, ки пешакӣ бо офаридани шакли рақамӣ, ки баъдан ба «забон»-и бонги электрикӣ гузаронида шудааст, маззаи лимонадро телепорт кунанд. Интихоби лимонад тасодуфан нест, зеро он ранги равшану маззаи хотирмон дорад.
Дар Сингапур маззаи лимонадро бомуваффақият телепорт карданд
Дар аввал рН-датчики аналогӣ ба даруни лимонади аслӣ ҷойгир карда шуда буд, ки ин амал барои муайян намудани сатҳи туршии нӯшокӣ имкон дод. Датчики дигар RGB-ранги нӯшокиро ба қайд гирифт. Маълумоти асосии аз Bluetooth бадастомада ба «имитатори лимонад» дода шуд. Ин стакани технологияи баланддошта бо равшании светодӣ дар қисмати поёнӣ ва электродҳои атрофи стакан мебошад.
Вақте, ки светодиод ранги нӯшокии ҳақиқиро ба вуҷуд меорад, электродҳо бо ба забон фиристодани импулси электрикӣ «туршии» лимонадро ҳосил мекунанд.
Нет комментариев