Google эълон кард, ки аксарияти истифодабарандагон номаҳои электронӣ гирифтанд, ки дар онҳо зери истиноди қалбакӣ ба Google Docs механизми фишингии ҳилагари ғораткунандаи маълумот пинҳон шудааст.
Дар дохили нома истинод ба захираҳои қалбакӣ пинҳон карда шудааст, ки ба истифодабаранда воридкунии маълумотро барои иҷозат дар google-аккаунт пешниҳод менамояд. Агар талафдиҳанда даъватро пахш намояд ва ба сомона истифодаи маълумоти ҳисобии Google-ро иҷозат диҳад, сипас бадхоҳон тамоми алоқаҳои дар китоби суроғавии Gmail мавҷудбударо ғорат карда, онҳоро барои ирсоли минбаъда ба рӯйхати ҳадафноки худ илова менамоянд. Ба ғайр аз алоқаҳо, бадхоҳон кӯшиш мекунанд дастрасиро ба нигоҳдорандаи маводҳои Google Drive ва почта соҳиб шаванд.
Ҳамла чӣ тавр сурат мегирад?
Ҳамла интерфейси аутентификатсияи OAuth-ро истифода мекунад, ки ҳамзамон аз ҷониби аксари веб-хизматрасониҳо барои воридшавӣ ба системаи истифодабарии бе парол кор фармуда мешавад. Бе дахолати OAuth, таҳдид метавонад ба истифодабаранда қуттии муколамаи қалбакии Google-ро бо дархости иҷозат, пешниҳод намояд. Ҳол он ки аутентификатсия ҳамзамон иҷозати дастрасӣ ба «азназаргузаронӣ ва идоракунии почтаи электронӣ» ва «азназаргузаронӣ ва идоракунии файлҳо дар Google Диски Шумо»-ро пурсон мешавад, ҳамин тавр дастрасиро ба онҳо соҳиб мешавад.
Номаи хатарнокро чӣ тавр метавон фаҳмид?
— Суроғаи гирандаи нома дар қисми «нусхаи пинҳонкардашуда» нишон дода шудааст ва шахси фиристода он касе шуда метавонад, ки аз ин пеш истифодабаранда бо ӯ муошират кардааст;
— Ба сифати гирандаи нома одатан суроға дар домени mailinator.com нишон дода шудааст;
— Агар ба суроғаи истиноде, ки ба нома пайваст шудааст, назар кунем, пас дар он номгӯи суроғаҳо маълум мешавад, ки ба Google Docs тааллуқ надоранд.
Google аз таҳдид огоҳ аст ва кӯшиш кардааст ҳамаи сомонаҳоеро, ки бо он алоқаманд аст, ҳифз намояд, ҳамчунин тамоми аккаунтҳои бадхоҳонро нобуд созад. Айни ҳол муҳандисони ширкат барои он заҳмат мекашанд, то чунин намуди хатарро дар оянда пешгирӣ намоянд — менависад Ars Technica.
Манбаъ: https://hi-tech.mail.ru/news/
Нет комментариев