Танзими вақт боис мешавад, ки бароҳат аз хоб бедор шавед ва дар вақти муайян бихобед. Баракс вақте, ки соати ғизо хурданатон муайян нест, реҷаи хоб ва бедор шуданатон низ вайрон мешавад. Дар вақти муайян ғизо хӯрдан, ҳамеша дар як вақт хоб рафтан ва дар як вақти амиқ аз хоб бедор шудан ҳам нишонаи зиндагии солим ва муфид аст.
Тавсия мекунанд, ки хӯроки шомро байни соати 19 то 19:30 истеъмол кунед. Дар ин сурат то замоне, ки ба хоб меравед, аъзои узви ҳозима ҳам вақти кофӣ барои ҳазми ғизои хурдаатон ба даст меоварад. Чиниҳо баъд аз шом каме варзишҳои сабук ҳам анҷом медиҳанд, то ҳазми ғизо бо суръати бештаре анҷом ёбад. Барои он, ки ғизоятон зуд ва хуб ҳазм шавад, аз истеъмоли нӯшокии спиртӣ, маводи ғизоии хеле равғанин, гӯшти гов ё гӯсфанд ва доругиҳои тунд, монанди қаланфури тунд, занҷабил ва ғайра бипарҳезед. Кабутиҳои сабзранг бо каме маводи ғизо ё протеини камравған (ё ҳар ду бино ба ниёзи ҳар фард) барои хӯроки шом гузинаҳои муносибе ҳастанд.
Дар андешаи ҷигари худ бошед. Ба хусус агар нисфи шаб соати 2 ё 3 аз хоб бедор мешуда бошед. Дар воқеъ, ҳангоми фарорасии шаб, баъд аз ҳазми ғизо ҷигар кори заҳрхориҷкунӣ, берун кардани маводи зиёдатӣ ва эҳёи дубораеро оғоз мекунад ва мумкин аст ин корҳо хобро халалдор кунанд. То ҷое, ки метавонед, ғизоҳои бирён, равғанин, ҳасибчаҳо ва ҳасиб (колбаса) — ро аз рӯйхати хӯрокаи шоми худ хориҷ ё кам кунед.
Дар пухтани ғизо аз равғани зайтун истифода баред ва сари ҳар чанд вақт бо гиёҳое монанди турби сиёҳ, ортишу, шоҳтара, гули қосидак, ҷаъфарӣ (петрушка) ва ғайра баданатонро аз заҳрҳо тоза кунед.
Нет комментариев