Бахшида ба Соли ҷавонон ва 25-солагии Иҷлосияи ХVI Шӯрои Олии Ҷумҳурии Тоҷикистон, инчунин бо мақсади тарғибу ташвиқи либоси миллӣ, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ, рушди атласу адрасбофӣ моҳи октябри соли 2017 Фестивали вилоятии “Атласу адраси Суғд-2017” гузаронида мешавад.
Фестивали вилоятии “Атласу адраси Суғд-2017” дар ду давр доир мешавад ва даври аввали он дар сатҳи шаҳру ноҳияҳо, муассисаҳои таҳсилоти олӣ ва миёнаи касбӣ сурат мегирад. Даври дуюми фестивал дар маркази вилоят бо иштироки ғолибони даври аввал баргузор мегардад.
Дар фестивал ҳамаи ҳунармандон, корхонаҳои истеҳсолӣ ва дӯзандагӣ, муассисаҳои таълимӣ, марказҳои омӯзишӣ, тарроҳон ва дӯзандагони алоҳидаи вилоят иштирок карда метавонанд. Дар вақти баҳодиҳӣ нишондодҳои зерин ба назар гирифта мешавад:
-Беҳтарин либоси миллии қадима (дар алоҳидагӣ 3 ҷой);
-Беҳтарин либоси кӯдакона (дар алоҳидагӣ 3 ҷой);
-Беҳтарин либоси расмӣ (дар алоҳидагӣ 3 ҷой);
-Беҳтарин либоси идона (дар алоҳидагӣ 3 ҷой).
Аз рӯйи ҳар намуди бахш ғолибон муайян карда шуда, бо диплом ва тӯҳфаҳои махсус қадрдонӣ карда мешаванд.
Манбаъ: Сомонаи Суғд ТҶ
Нет комментариев