Ҳафтаи гузашта дар назди Маркази савдои «Ёвар»-и шаҳри Душанбе озмуни ҷумҳуриявии маҳсулоти нонӣ таҳти унвони «Нон шудам, шоистаи ҳар хон шудам» доир гардид. Дар намоиши мазкур намояндагони Дастгоҳи иҷроияи Президенти Ҷумҳурии Тоҷикистон, мақомоти иҷроияи ҳокимияти давлатии шаҳри Душанбе, Вазорати меҳнат, муҳоҷират ва шуғли аҳолӣ, Кумитаи кор бо занон ва оила, Кумитаи кор бо ҷавон ва варзиш, Кумитаи телевизион ва радио, шаҳру ноҳияҳои гирду атрофии шаҳри Душанбе, шаҳрҳои Хуҷанду Истаравшани вилояти Суғд, ваилояти Хатлон, Палатаи савдо ва саноат, Иттифоқи «Тоҷикматлубот», Донишгоҳи давлатии тиҷорати Тоҷикистон ва Донишкадаи соҳибкорӣ ва хизмат иштирок доштанд.
Намояндагони шаҳри Истаравшан дар озмуни мазкур зиёда за 20 намуди маҳсулоти нонӣ аз ҷумла фатир, кулча, қалама, чак-чак, қотурмаи мавизу чормағдор, маҳак, фатири дегча, тушпера қоқ, нони ҷазанӣ, пиёзӣ ва ғайраро пешкаши меҳмонону сокинони шаҳри Душанбе намуданд.
Дар расми ифтитоҳи чорабинии мазкур Абдуҷаббор Раҳмонзода ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа ба сузан баромада таъкид намуд, ки аззати нони тоҷикӣ ва ҳунари нонпазии бонувони тоҷик дар ҷаҳон ҳамто надорад ва ҳадаф аз баргузории маъракаи имрӯза ҳам арҷгузорӣ ба ҳунари нонпазӣ, тарғиби нони тоҷикӣ ва дарёфти беҳтарин нонпазҳо мебошад.
Дар ҷамбасти озмун намояндагони шаҳри Истаравшан сазовори ҷойи аввал гардида, соҳиби дипломи озмун гардиданд.
Зи сурхиҳои нони Истаравшан,
Бигирад ранг рӯи халқу меҳан.
Манбаъ: Котиби матбуоти Раиси шаҳри Истаравшан
Нет комментариев