Бозиҳои аввали ҳаштякфиналии Ҷоми Тоҷикистон натиҷагирӣ шуданд

0
3 439 просмотров

27-28 май бозиҳои аввали даври ҳаштякфиналии Ҷоми Тоҷикистон оид ба футбол баргузор шуданд. Дар як бозӣ мизбонон, дар ду дидор меҳмонон ғолиб омаданд ва се бозӣ бо ҳисоби мусовӣ ба поён расид. Дастаи  футболи «Вахш»-и Қӯрғонтеппа дар майдони худ бар  дастаи «Сомон»-и Данғара бо ҳисоби 3:2 пирӯз шуд. Дастаи  «Ваҳдат»-и шаҳри Ваҳдат дар меҳмонӣ бар дастаи  «Зарафшон»-и Панҷакент бо ҳисоби 1:0 ғолиб омад. Дастаи «Хуҷанд»-и шаҳри Хуҷанд бар дастаи мизбон-  «Регар-ТадАЗ»-и Турсунзода бо ҳисоби 3:2 ғалаба кард. Бозии  дастаи  «Барқчӣ»-и Ҳисор дар Душанбе бо дастаи  «Равшан»-и Кӯлоб бо ҳисоби  мусовии 2:2 хотима ёфт. Дастаи  ССКА «Помир»-и Душанбе бозиро дар майдони худ бо дастаи «Панҷшер»-и Ҷалолиддини Балхӣ бо ҳисоби 0:0 анҷом дод. Дастаи «Ҳулбук»-и Восеъ низ бозиро бо дастаи меҳмон — «Эсхата»-и Хуҷанд  бидуни гол ба поён расонд. Ёдовар мешавем, ки  бозиҳои ҷавобии ҳаштякфиналии Ҷоми Тоҷикистон рӯзҳои 1-2 июн барпо мегарданд. Бояд зикр кард, ки дар даври ҳаштякфиналии Ҷоми Тоҷикистон 12 даста рақобат мекунанд ва ғолибони ҷуфтҳо ба марҳилаи чорякфиналӣ роҳ меёбанд. «Истиқлол»-и Душанбе, қаҳрамон ва барандаи Ҷоми Тоҷикистон ва «Ҳосилот»-и Фархор, соҳиби медали  нуқраи чемпионати кишвар ба мубориза барои Ҷом аз даври чорякфиналӣ ҳамроҳ мешаванд.

Манбаъ: www.khovar.tj

Нет комментариев

Также рекомендуем

В Согде отметят Международный день защиты детей

В Согдийской области, на севере Таджикистана, Международный день защиты детей отметят на высоком организационном уровне. Об этом говорится в соответствующем постановлении главы области Абдурахмона Кодири. ...

Сообщить об опечатке

Текст, который будет отправлен нашим редакторам: