Шумораи ҳалокшудагон бар асари заминларзаҳое, ки рӯзи панҷум аст дар Ҷопон идома доранд, то 92 нафар афзоиш ёфтааст. Тавре АМИТ «Ховар» бо истинод ба ТАСС иттилоъ медиҳад, дар ин хусус маълумоти мақомоти минтақавӣ шаҳодат медиҳанд.
Хадамоти таъҷилӣ наметавонанд макони 242 нафарро муайян намоянд. Тибқи маълумоти охирин, дар натиҷаи заминларзаҳо ва оқибатҳои онҳо зиёда аз 250 нафар сокинон ҷароҳатҳои гуногун бардоштаанд.
Дар минтақаи офати табиӣ амалиёти наҷотдиҳӣ ва ҷустуҷӯӣ идома дорад, ки ба он Неруҳои худмудофиаи Ҷопон ҷалб гардидаанд. Наҷотдиҳандагон 4 январ як зани солхӯрдаро зинда пайдо намуданд, ки беш аз 72 соат дар зери харобаҳо монда буд.
Аз ҳама бештар ба префектураи Исикава зарар дидааст: дар он ҷо зиёда аз 250 хона вайрон ва 200 бинои дигар бар асари сӯхтор хароб гардидааст. Мақомоти маҳаллӣ ҳушдор медиҳанд, ки маълумот ниҳоӣ нест, зеро арзёбии ҳаҷми хисорот идома дорад.
Манбаъ: АМИТ «Ховар»
Нет комментариев