Сармураббии «Реал» — Карло Анчелотти эълон кард, ки фаъолияти мураббии худро дар бошгоҳи шаҳри Мадрид хотима медиҳад.
Анчелотти чанде пеш шартномаашро бо «Реал Мадрид» то тобистони соли 2026 тамдид кард.
«Ин кори охирини ман аст. Ман намедонам, ки кай ба нафақа меравам, аммо тасдиқ карда метавонам, ки “Реал Мадрид” охирин ҷои кори ман хоҳад буд. Шояд соли 2026 бошад, шояд баъд аз он дар ин ҷо бимонам. Ин ба муваффақияти мо вобаста аст. Ман мехоҳам то соли 2026 мураббӣ бошам ва умедворам то соли 2028, зеро ба ман Мадрид маъқул аст ва ман мехоҳам дар ин ҷо бимонам.
Дар соли 2026 дастаи мунтахаби Бразилияро пеш мебаред? Хуб, ман метавонам дар ин бора хаёл кунам, аммо намедонам, ки оё онҳо маро дар соли 2026 дар он ҷо дидан мехоҳанд. Боварӣ надорам, ки онҳо аз қарори ман [дар “Реал Мадрид”] мондан қаноатманданд», — аз суханони Анчелотти иқтибос овардааст Mundo Deportivo.
Манбаъ: Варзиш-ТВ
Нет комментариев