Дастаи «Арсенал» дар бозии даври 27-уми Премйер – Лигаи Англия бар «Шеффилд Юнайтед» бо ҳисоби 6:0 пирӯз шуд. Голи шашуми тими шаҳри Лондонро Бен Уайт дар дақиқаи 58-ум ба самар расонд.
Ба иттилои дафтари матбуоти дастаи шаҳри Лондон ин гол 10000-умин гол дар таърихи “Арсенал” дар тамоми мусобиқаҳо гардид.
Дар мавсими ҷорӣ «Арсенал» аз рӯи шумораи голҳо (68) ва фарқи тӯбҳо (+45) пешсафи ПЛА мебошад.
Бо ғалабаи бузург бар “Шеффилд” ҳоло “Арсенал” бо касби 61 имтиёз дар зинаи сеюм мавқеашро мустаҳкам кард. Аз “Арсенал” пештар дар ҷадвали мусобиқа “Манчестер Сити” бо 62 имтиёз дар ҷои дуюм ва “Ливерпул” бо 63 имтиёз дар зинаи якум меистанд. “Шеффилд” бо 13 имтиёз дар зинаи 20-ум аст.
Манбаъ: Варзиш-ТВ
Нет комментариев