Дар маҷлисгоҳи Мақомоти иҷроияи ҳокимияти давлатии вилояти Суғд таҳти раёсати Раиси вилоят Раҷаббой Аҳмадзода ҷаласаи ҷамъбастӣ оид ба натиҷаҳои рушди иқтисодиву иҷтимоии вилоят дар 9 моҳи соли равон баргузор гардид.
Дар ҷаласа муовинони Раиси вилоят, мудирони шуъбаву бахшҳои дастгоҳи Раиси вилоят, роҳбарони сохтору мақомотҳои вилоятӣ, раисони шаҳру навоҳӣ, ҷамоату шаҳрак, намояндагони ташкилоту идораҳои мухталиф, аз ҷумла саноату кишоварзӣ, маорифу тандурустӣ ва дигар шахсони дахлдор ширкат варзиданд.
Ҷаласаро Раиси вилоят Раҷаббой Аҳмадзода ифтитоҳ намуд. Сипас муовини якуми Раиси вилоят Рустам Раҳматзода роҷеъ ба натиҷаҳои фаъолият дар соҳаҳои иқтисодиву иҷтимоии вилоят дар 9 моҳи соли 2018 маърӯзаи муфассал намуд. Мавсуф аз ҷумла зикр дошт, тибқи нақша дар соли 2018 ба истифода додани 88 корхонаву коргоҳҳои нави саноатӣ бо 1613 ҷойҳои нави корӣ дар назар дошта шудааст.
Дар натиҷаи тадбирҳои андешидашуда давоми нӯҳ моҳи соли 2018 дар миқёси вилоят 73 корхонаву коргоҳҳои нав бо 1049 ҷойҳои нави корӣ ба фаъолият шурӯъ намуданд.Соли равон дар ҳамаи шаклҳои хоҷагидории вилоят дар масоҳати 20994,7 гектар кишти картошка гузарониданд, ки нисбати ҳамин давраи соли гузашта 4932 гектар ё 30,7 фоиз зиёд мебошад.
Раиси вилорят Раҷаббой Аҳмадзода аз раисони шаҳру ноҳияҳои Бобоҷон Ғафуров, Кӯҳистони Мастчоҳ, Спитамен, Шаҳристон, Гулистон, сардори Раёсати кишоварзии вилоят ва дигарон пурсиш ба амал оварда, роҳбарону масъулинро вазифадор намуд, ки бобати вусъати корҳои созандагию ободонӣ омодагии ҳамаҷониба ба зимистонгузаронӣ ва дигар масъалаҳои муҳим корбарӣ намоянд.
Манбаъ: Хадамоти матбуоти Раиси вилояти Суғд
Нет комментариев