Бо мақсади иҷрои дастуру супоришҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон ва расонидани кӯмакҳои маводи ниёзи аввалияро, ки ба ашхоси камбизоат аз ҷониби Раиси вилояти Суғд Раҷаббой Аҳмадзода ҷудо шудааст, Фирӯза Нуруллозода, муовини Раиси шаҳри Хуҷанд якчанд нафар ҷавонону занон ва пирони маъюбу камбизоатро аёдат ва ба эшон маводҳои ниёзи аввал дастрас намуд.
Фирӯза Нуруллозода, муовини Раиси шаҳри Хуҷанд ба манзили Санҷида Сабурова, Саиднисо Шарифова, Муҳаббат Самадова, Мадина Мақсудова, Валентина Ахтулова, Шаҳло Ёрматова ва дигарон ҳозир шуда, Паёми табрикотии Раиси шаҳри Хуҷанд Маъруф Муҳаммадзодаро ба муносибати Соли нави мелодӣ ба ин эшон расонд.
Фирӯза Нуруллозода гуфт, ки бо ҳидоятҳои раъиятпарваронаи Пешвои миллат мӯҳтарам Эмомалӣ Раҳмон шумо ҷавонону бонувон ҳамеша зери парастиш ва таваҷҷуҳи хоса қарор доред. Имрӯз рӯзи ид аст, шодиву хурсандӣ намоед. Роҳбарияти шаҳру вилоят тасмим гирифт, ки чунин қишри ҷомеаро аёдат намояд. Мусаллам аст, аёдати бечорагон, барҷомондагон, ятимону маъюбон, оилаҳои бепарастору камбизоат ва дигар ниёзмандон дар арафаи иду айём савоби бештар дорад. Аз ин лиҳоз мо ба манзили шумо омадем.
Аёдатшудагон аз ин таваҷҷуҳу ғамхорӣ болида гардида, зикр намуданд, ки мо ҳеҷ гоҳ худро танҳою бекас ҳис намекунем. Диламон пур аст, ки Пешвои ғамхору мӯнис ва роҳбарони оқилу саҳоватпеша дорем. Хайру эҳсони шумо ба рӯзгоратон барака орад.
Манбаъ: Дафтари матбуоти Раиси шаҳри Хуҷанд
Нет комментариев