Чор корхонаи истеҳсолии вилоят дар намоишгоҳӣ «Продэкспо-2015» ширкат намуданд. Бо дастгирии молиявии Барномаи Рушди Созмони Милали Муттаҳид дар Ҷумҳурии Тоҷикистон ва дар ҳамкорӣ бо Палатаи савдо ва саноати вилоят дар ин чорабинӣ намояндагони корхонаҳои истеҳсолкунандаи маҳсулоти хӯрокаи вилоят — ҶДММ «Зода», ҶДММ «Субҳи Ватан», ҶДММ «Оро Исфара» ва ҶСП «Евро Азия» бо пешниҳоди молу маҳсулоташон ширкат варзиданд. Дар ин намоишгоҳ зиёда аз 2000 ширкат аз 65 давлатҳои дунё аз қабили Белорусия, Гурҷистон, Туркия, Федератсияи Руссия, Қазоқистон, Ҳиндустон, Эрон, Олмон, Ҳоланд, Тоҷикистон ва ғайра иштирок намуданд.
Дар доираи баргузории намоиш намояндагони вилоят бо роҳбарони як қатор ширкатҳо бо мақсади содироти маҳсулот, воридоти технологияи нав барои коркарди маҳсулот ва ташкили корхонаҳои муштарак вохӯриҳо доир намуда, шартномаҳо ба имзо расониданд. Шартномаҳо оиди содироти меваи хушк миёни ҶДММ «Оро Исфара»-и шаҳри Исфара ва ҶДММ «Фруктовқе линии»-и шаҳри Москва, ҶДММ «Субҳи Ватан»-и шаҳри Исфара ва ҶДММ «АЛЕФ»-и Ҷумҳурии Қазоқистон оиди содироти консерва ба имзо расонида шуд. Миёни ҶДММ «Зода» ва ширкати ҳоландии «Дҷемини Пакадҷинг» созишнома оиди дастрас намудани дастгоҳҳо ва технологияҳои замонавӣ барои бунёди коргоҳи нави коркарди афшураи мева ва нушокиҳои таббиӣ ва ба роҳ мондани содирот ба имзо расонида шуд.
Дар доираи 21-умин намоишгоҳи байналмилалии «Продэкспо-2015» озмуни «Маҳсулоти беҳтарин-2015» доир гардид, ки аз байни 65 ширкатҳо маҳсулоти ҶСП «Евро Азия» беҳтарин дониста шуда, ғолиби озмун ва соҳиби медали нуқра гардид. Намояндагони вилоят барои иштироки фаъолона бо дипломҳо сарфароз гардиданд. Дар ин бора sugd.tj хабар медиҳанд.
Нет комментариев