Ин рӯзро тамоми мухлисони футбол аз ҷумла роғибони “Реал” ва “Барселона” интизор буданд. Якчанд рӯз пеш дар маросими қуръакашии даври нимниҳоии Ҷоми Испания тақдир “Барселона”-ро бо “Реал” рӯ ба рӯ кард. Дар бозии аввали даври ½ ниҳоии Ҷоми Испания “нилунориҳо” бо рақиби сарсахти хеш “Реал” майдондорӣ намуданд. Вохӯрии бошгоҳҳо дар варзишгоҳи муҳташами “Камп Ноу” дар шоҳидии зиёда аз 90 ҳазор мухлис баргузор шуд. Набардро “гаразмониҳо” бобарор оғоз карданд. Лаҳза ба лаҳза ба футболбозони каталонӣ фишор меоварданд. Дар дақиқаи 6-уми дидор “гаразмониҳо” аз иштибоҳи дифоъгарони рақиб истифода карда, ҳисобро боз намуданд. Голро Лукас Васкес аз партофти Карим Бензема ба самар расонид. Кушишу талошҳои зиёди каталониҳо дар қисми аввал самар надод. Ҳамин тариқ дастаҳо бо ҳамин ҳисоб яъне 0:1 ба танаффус баромаданд. Дар қисми дуюми бозӣ “Барселона” бо як руҳияи баланд вориди майдон шуда, ҳуҷумҳои пай дар пайи худро ҷониби дарвозаи Навас равон намуд. Дар дақиқаи 57-уми бозӣ Малком ҳисобро барбар кард. Ҳамин тариқ бозии аввали даври ½ ниҳоӣ байни тимҳо дар “Камп Ноу” бо ҳисоби мусовии 1:1 хотима ёфт. Бозии ҷавобӣ санаи 27-уми Феврал дар Мадрид доир мешавад.

Ҷоми Испания. Даври нимниҳоӣ

Бозии аввал

“Барселона” – “Реал”

Голҳо: Васкес, 6 (0:1). Малком, 57 (1:1).

«Барселона»: тер Штеген, Семеду, Пике, Лангле, Жорди Алба, Ракитич (Видал, 63), Бускетс, Артур, Малком (Аленя, 76), Суарес, Коутиню (Месси, 63).

«Реал»: Навас, Карвахал, Варан, Серхио Рамос, Марселу, Модрич, Лйоренте (Каземиру, 63), Кроос, Васкес (Асенсио, 84), Бензема, Винисиус Жуниор (Бэйл, 64).

Манбаъ:ТВ Варзиш