20-уми апрели соли 2019 дар шаҳри Доҳаи кишвари Қатар маросими Конгресси Федератсияи варзиши сабуки Осиё барои интихоби роҳбарони Федератсияи мазкур баргузор шуд. Дар ин маросим намояндагони Тоҷикистон низ ширкат варзиданд. Роҳбари феълии ин ниҳод Дохлан Ал-Ҳамад, ки худ зодаи Қатар аст, дигар бора ба курсии президентии Федератсияи варзиши сабуки Осиё бар шуд. Яке аз ҷойнишини ӯ намояндаи Ӯзбекистон, қаҳрамони Бозиҳои олимпии 1992, Чемпиони ҷаҳони 1993 Андрей Абдувалиев интихоб шуд. Ҳамчунин Шурои Осиё, Федератсияи Осиёи Миёнаро дастгирӣ карда, номзадии қаҳрамони Бозиҳои олимпии Рио-2016 Дилшод Назарови дастонро ба роҳбарии Федератсияи пешниҳод ва интихоб намуданд.
Бо пешниҳоди роҳбарони Федератсияи варзиши сабуки Осиё Дилшод Назаров ҳамчун роҳбари Комиссияи варзишгарони Осиё интихоб шуда, бо ҷоизаи гаронарзиши Федератсияи варзиши сабуки Осиё ҳамчун гурзандози беҳтарини Осиё такдим карда шуд.
Манбаъ: Варзиш ТВ
Нет комментариев