Дар олимпиадаи байналмиллалӣ аз фанҳои математика, физика, биология, ки дар шаҳри Деҳлии кишвари Ҳиндустон баргузор гардид, ки 3 нафар хонандагони шаҳри Хуҷанд иштирок намуда, мақомҳои ифтихориро ба даст оварданд.
Олимпиадаи мазкур аз санаи 19.05 то 25.05.2019 сурат гирифт, ки дар он намояндагони 11 давлати дунё ширкат варзиданд. Хонандаи синфи 9 литсей барои хонандагони болаёқати шаҳри Хуҷанд Улуғбек Аҳлилулоев аз фанни математика ҷойи якум ва сазовори медали тилло гардид.
Хонандаи дигари муассисаи таълимии мазкур Муҳаммад Шамсиев аз фанни химия дониши хешро санҷида, мақоми сеюмро ба даст овард.
Ҳамзамон хонандаи синфи 10 литсейи физикӣ-математикии №1-и ба номи академик Муҳаммад Осимӣ Ҳабибулло Саидбоев дар ин олимпиадаи байналмилалӣ ширкати фаъолона намуда, ҷойи сеюм ва медали биринҷии олимпиадаро соҳиб гардид.
Ғолибонро дар назди майдони Парчами миллии Ҷумҳурии Тоҷикистон дар шаҳри Хуҷанд намояндагони Мақомоти иҷроияи ҳокимияти давлатии шаҳри Хуҷанд ва Раёсати маорифи вилояти Суғд истиқбол ва табрику таҳният намуданд.
Источник: Дафтари матбуоти Раиси шаҳри Хуҷанд
Нет комментариев