Ҳамлавари мунтахаби Бразилия – Неймар дар бозиҳои дӯстона бар зидди тимҳои миллии Қатар, Гондурас ва Ҷоми Амрико-2019 сарвони мунтахабаш нахоҳад буд, хабар медиҳад сомонаи расмии конфедератсияи футболи Бразилия. Сармураббии тими Бразилия – Тите рӯзи шанбе дар нишасти хабарӣ иқрор омад, ки сарвони тим Неймар неву балки Дани Алвес хоҳад буд. Алвес дар Ҷоми Амрико нисбати ҳамдастагонаш (138) бозии зиёдтар намудааст. Маротибаи охир ӯ мунтахаби Бразилияро дар бозии дӯстона бар муқобили Олмон сарвонӣ намуда буд. Ҷоми Амрико-2019 аз 14-уми июн то 7-уми июл дар Бразилия доир мешавад. Бояд гуфт, ки Неймар дар як нишасти хабарӣ қайд намуда буд, ки “Орзу дорам, ки дар Ҷоми Амрико-2019 мунтахабамро сарвонӣ намоям”. Гарчанде, ки ин орзуи ӯ буд, аммо сармураббии Бразилия – Тите ба ин нигоҳ накарда, Дани Алвесро сарвони яккачинаш таъйин кард.
Манбаъ:Варзиш-тв
Нет комментариев