Бисёрии аз моён ба гулҳои оддӣ одат кардаем. Аз қабили садбарг, лола, савсан, хризантема ва ҳоказо. Ин намуди гулҳоро қариб дар ҳама ҷо бо шумораи дилхоҳ ёфтан мумкин аст. Агар ба Шумо гӯем, ки дар дунё гуле мавҷуд аст, ки танҳо ду намуд дорад, оё ба ин бовар мекунед?
Ин ҳазл не, ҳақиқат аст!
Боғбони маъруфи бритониёӣ Ҷон Миддлемист дар соли 1854-ум ба мамлакати Чин сайёҳат карда, як гули ниҳоят зебоеро дид, ки ба мислаш дар хеҷ ҷойи дигаре чунин гули беҳамторо надида буд.
Аз сабаби он, ки ин ин гул дар Хитой хело маъруф буд, якчанд намуди гулҳои ба ин шабеҳ бо шумораи хеле зиёд мавҷуд буд, вале ба Ҷон танҳо маҳз ҳамон гул маъқул шуда буд. Он гул Ҷон Миддлемистро чунон мафтуни худ кард, ки ӯ онро дарҳол харидорӣ намуда, сӯи хона ба Англия равона шуд. Ба хона баргаштан замон ӯ ба гармхонае, ки дар ҳудуди манзилаш воқеъ буд, рафт ва растании гули овардаашро шинонид.
Пас аз якчанд сол муайян гардид, ки бо ин рафтори худ боғбон Ҷон Миддлемист растании нодири дар зинаи нестшавӣ қарордоштаро наҷот додааст. Маълум гардид, ки дарҳол пас аз ба ватан баргаштани боғбон растании гули надор дар ҳудуди мамлакати Чин дигар насабзидааст ва Ҷон ягона нафаре дар ҷаҳон гардидааст, ки танҳо дар ӯ ин гули ғайриоддӣ боқӣ мондаасту халос. Дар натиҷа гули камёфтро ба номи боғбон «Миддлемисти сурх» номидаанд.
Ҳамин тавр пас аз якчанд вақт маълум шуд, ки дар дунё боз як намуди ин гул мавҷуд будааст. Он дар яке аз боғҳое, ки дар ҳудуди Зеландияи Нав ҷойгир аст, мерӯидааст. Аммо то ҳол аниқ нест, ки чӣ тавр он гул тавонист ба онҷо афтад. Эҳтимоле вуҷуд дорад, ки он маҳз насли гули бритониёии Миддлемист аст, на ин ки насли гули чинӣ, чуноне мутахассисон меҳисобиданд. Ҳатто чунин овозае низ ҷой дорад, ки буттаи растании гули Ҷон аз Чин ба ватан оварда гӯё ба одамони ношинос бе огоҳии ӯ фурӯхта шуда бошад. Ба ғайр аз ин боз метавонистанд, ки онро дуздида бошанд.
Чӣ хеле, ки набошад ҳам имрӯзҳо ин гул сабзиш ёфта истодааст ва бо намуди зебою нотакрори худ чашми одамонро хурсанд месозад. Аммо бояд гуфт, ки он дар давоми як сол танҳо ду ҳафта гул мекунаду бас. Ғайр аз он ин растанӣ ба худ диққати махсуси боғбонро талаб мекунад.
Нет комментариев