Дар олами кӯдакон чизҳои ранга воситаи диққатҷалбкунанда ва шавқовар мебошад. Бештари кӯдакон соатҳо ба расмкаши машғул мешаванд, модарон низ барои ба кори худ машғул шудан, ба дасти фарзандонашон қаламҳои ранга медиҳанд то бо он овора шаванд. Аммо шумо медонед, ки қаламҳои рангаи пастсифат ба саломатии фарзандонатон зарар дорад. Ҳангоми интихоб бояд бодиққат буд, зеро фарзанд неъмати бебаҳост.
Ранги қалам вобаста аст ба грифеле, ки ҳангоми истеҳсол кардан дохили он ворид мекунанд. Дар таркиби ин пигментҳо намакҳои металҳои вазнин эҳтимолият доранд. Барои он ки фарзандонро аз кадмий ва қӯрғошим эҳтиёт кунем ба қуттии он назар мекунем ва ҳарфҳои «СЕ»-ро меҷӯем. Агар ин гуна аломат бошад, пас сифати он ҷавобгӯи евростандарт буда, аз ҳама гуна санҷишҳо гузаштааст.
Хуб мешуд, агар грифели қалам 3 миллиметра бошад. Зеро ин гуна қалам ҳангоми сахт фишор дода навиштан ҳам намешиканад.
Ду намуди коркарди грифел маълум аст. Яке коркардаи парафини, ки эҳтимолияти доштани моддаҳои хатарнок мавҷуд аст. Намуди дигар қаламҳои коркарди обӣ. Барои фаҳмидан, ки кадом намуди қаламро интихоб кардед маслиҳат медиҳем, ки пораи коғазеро нам карда хат кашед. Коркарди парафинии грифел хати хира мекашад. Қаламе, ки аз коркарди оби гузаштааст, фаҳмо ва хушнавис аст.
Ҳангоми харидори намудан ба шакли қалам низ эътибор диҳед. Одатан қалам аз рангкунии ҳафтқабата мегузарад. Ва барои ҳамон изҳои чубакхо намудор намешаванд. Боз як чизро тазаккур бояд дод, ки ба кӯдакони то 3 сола қаламҳои сеқираро дастрас намоед. Ин намуди қалам дастони кӯдакро азоб намедиҳад.
Нет комментариев