Бошгоҳи шоҳонаи «Реал Мадрид» метавонад, ки тобистони оянда аз Винисиус ҷудо шавад, зеро “Ал-Ҳилол” омодааст барои ин бозигар 1 млрд евро пардохт кунад. Агар ин тавр шавад, трансфери Вини гаронтарин трансфер дар таърихи футбол мегардад.
Тибқи иттилои El Gol Digital, Винисиус аз пешниҳоди табдил шудан ба як қисми муҳими лоиҳа барои баланд бардоштани ҷолибияти чемпионати Арабистони Саудӣ итминон ҳосил кард ва ӯ розӣ шуд, ки корномаи худро дар яке аз бошгоҳҳои Про-Лига идома диҳад.
Дар шартномаи Винисиус бо клуби шоҳона маблағи ҷубронпулӣ 1 миллиард евро пешбинӣ шудааст, ки ин “Ал-Ҳилол”-ро наметарсонад. Дастаи шаҳри Риёз омодааст, ки ин миқдор маблағро барои футболбози 24-солаи бразилӣ пардохт кунад.
Дар мавсими ҷорӣ Винисиус дар ҳайати “Реал” дар тамоми мусобиқаҳо 18 бозӣ анҷом дода, 12 гол ва 8 партофти головар кардааст. Портали Transfermarkt арзиши бозории ӯро 200 миллион евро арзёбӣ карда, ӯро гаронарзиштарин футболбози ҷаҳон якҷоя бо ҳамлагари «Манчестер Сити» Эрлинг Ҳоланд месозад.
Ёдовар мешавем, ки Винисиус аз тобистони соли 2018 дар ҳайати “Реал Мадрид” бозӣ мекунад.
Манбаъ: Варзиш-ТВ
Нет комментариев