Дар соли 2016 дар маркази вилояти Суғд- шаҳри Хуҷанд бунёди коргоҳи истеҳсоли аробачаи маъюбӣ дар назар аст.
Ба иттилои масъулин аз раёсати ҳифзи иҷтимоии аҳолии вилоят бо назардошти талаботи зиёди шахсони ба ҳаракати мустақил имконияташон маҳдудбуда, яъне маъюбони роҳнараванда ва ҳамзамон шахсони ба дасту пои сунъӣ заруратдошта, дар моҳи апрел соли 2016 тасмим аст бо ибтикори ташкилоти Ҳилоли Ахмари Тоҷикистон ва бахши суғдии он, бо ҳамдастии мақомоти иҷроияи вилояти Суғд ва маблағгузории ширкати чинӣ дар шаҳри Хуҷанд ба маблағи 80 ҳазор доллари амрикоӣ коргоҳи протезӣ-артопедӣ ва аробачаи маъюбисозӣ бунёд хоҳад шуд. Коргоҳи мазкур ғайр аз сохтани аробачаҳои маъюбӣ, ба таъмиру фурӯши кисмҳои эҳтиётии он ва сохтану шинонидани даступои сунъӣ низ машғул хоҳад шуд.
Бояд гуфт, ки иқдоми мазкур як навиди хушест барои маъюбону шахсони имконияташон маҳдуд.
Дар ин бора аз хадамоти матбуотии Раиси вилояти Суғд хабар медиҳанд. http://sugd.tj
Нет комментариев