Ҳамроҳ питса омода мекунем !

0
13 020 просмотров

Имрӯз мо ба шумо тарзи тайёр кардани питсаи Маргаритаро гуфта медиҳем. Чи хеле, ки мо медонем, пицца аз ду қисм иборат аст. Қисми якум ин хамир ва қисми ду маҳсулотҳо ба рӯи пицца

Барои тайёр кардани  2 пицца  ба мо чунин маҳсулотҳо лозим мешаванд.

Хаминтуруши хушк – 1 қошуқча,

орд – 1-2 пиёла,

оби гарм – 3-4 пиёла,

шакар – 1 қошуқча,

намак – ним қошуқча,

равғани зайтун – 2-3 қошуқ

помидор – 5 дона,

сирпиёз – 3 дандона,

панири Моцарела – 150 гр.,

мурч ва райҳон мувофиқи табъ.

Ба тағорача оби гарм, шакар ва хамиртуруши хушкро андохта омехта мекунем.

Пас аз хуб омехтан хамирро ба муддати 10-15 дақиқа мегузорем. Баъд ба он каме намак ва ордро илова карда боз омехта мекунем. Ҳангоми омехтан ба он боз равғани зайтун мерезем. Ҳар замон ба он ордро илова карда, то намуди лозимаро гирифтани хамир омехта кардан лозим. Хамирро ба тағорачаи тоза мегирем, ба болояш каме равғани зайтунро мемолем ва болояшро бо латта рӯйпуш карда ба мӯҳлати 1 соат мегузорем, то ки он варам кунад. Вақте, ки хамирамон расид, онро бо дастамон ланч мекунему ва боз ба мӯҳлати 30 дақиқа мегузорем. Акнун афшураи помидорро тайёр мекунем. Помидорро шуста поёнашро каме буред ва ба оби ҷӯшида истода андозед. Пас аз 1-2 дақиқа онро гирифта пусташро гиред. Помидори тозашударо ба чоркунҷа шакл бурида онро бо майдакунаки блендер ба шакли пюре гардонед. Сирпиёзро тоза карда майда реза мекунем. Ба сковородка равғани зайтун рехта ба он помидорро меандозем ва дар оташи пас дам карда 20-40 дақиқа мепазем. Пас ба ин сирпиёз, намак ва мурч меандозем. Хамаашро хуб омехта боз дам карда мепазем. Вақте, ки соусамон тайёр мешавад каме хунук карда онро ба хамири тайёр кардамон мерезем. Хамири тайёрро ба ду қисм чудо карда онро гелонда даврашакл паҳн мекунем, ки ғафсияш 3 мм. бошад. Ба болояш соуси тайёр кардаамонро резед ва аз болояш каме барги райҳон гузоред. Пас инро ба тафдон ба мӯҳлати 5-7 дақиқа гузоред. Баъди вақти муайянкарда шуда гирифта ба болояш сири моцареларо аз турбтарош гузаронида боз ба 2 дақиқа ба тафдон андозед, то ки сир об шавад. Питсаро дар гарм буданаш истеъмол кунед.

Ана питсаи Маргарита тайёр шуд.   Ба шумо иштиҳои соф.

Нет комментариев

Также рекомендуем

Сообщить об опечатке

Текст, который будет отправлен нашим редакторам: