Ширкати Google боз ҳамаро ба ҳайрат меоварад. Ҳоло аз 100 танҳо 2 гаджет барои Android тафсири нав, яъне 6.0-ро гирифт. Ихтироъгарони «роботи сабз» ғайричашмдошт тафсири навбатии худ, яъне системаи «оператсионӣ»-ро барои Android N намоиш доданд. Ин система чӣ бартарият дорад ва оё меарзад, ки онро дар амал, дар смартфони худ фаъол гардонид? Инак ин масъаларо дар мисоли Nexus 6P муҳокима менамоем.
Чӣ навгонӣ?
Ҳоло воқеан дар барои навгонӣ сухан рондан меарзад, зеро аллакай аз 5 навгонии бавуҷудомада 4-тоашро дар смартфон фаъол гардонида, дар амал санҷидан мумкин аст. Дар тафсири ниҳоии Android N функтсияҳои нав ва имкониятҳои нав бояд нисбатан зиёд бошанд.
Дар Android N, дар як вақт якбора ду замимаро ба рӯи экран баровардан мумкин аст ва бо баробари ин баландӣ ё паҳноии оинаи дар дилхоҳ майдони замима кушодашударо, ки ҳар лаҳза бо дигараш иваз кардан мумкин аст, ба танзим дароварда мешавад. Барои Android TV Google бошад, функтсияи «тасвир дар тасвир» ҷорӣ хоҳад шуд.
Иконаҳои дастрасии босуръат акнун ба панели танги ихчам бароварда мешаванд. Пахши дуру дарози пиктограмма дар менюи роҳандозӣ ҷои ба худ даркориро мекушояд.
Панели огоҳикунанда нисбатан равшантар ва маълумотнок гардид. Дар худи ҳамин ҷо ба паёмак ё мактуб ҷавоб додан мумкин аст.
Менюи роҳандозӣ тағйир ёфт. Акнун ин панели ёзанда аз қисми чап бо якчанд пункти амалкунанда мебошад. Дар истифода он қулай ва зебост!
Бо баромадани Android N Developer Preview Google эълон намуд, ки дар ин тафсири ОС функтсияи захираи нерӯъи Doze коркард шудааст.
Ин чиз аввлинбор дар Android 6.0 пайдо шудааст. Агар пеш Doze танҳо пас аз гузаштани якчанд вақти реҷаи хомӯшкунӣ смартфонро хомӯш кардан мумкин бошад, ҳоло ин раванд дар ҳол, пас аз хомӯш кардани экран, амалӣ мегардад. Вале маҳз то чӣ андоза ин ба вақти кори мустақилона таъсир мекунад, мутассифона ҳоло гуфтан номумкин аст.
Чӣ тавр насб намуд?
Агар дорандаи хушбахти смартфонҳои Nexus 6, Nexus 5X, Nexus 6P ва инчунин планшетҳои Nexus 9 ва Pixel C бошад, пас насбгардонӣ бароятон ниҳоят кори осон мегардад. Барои ин Шумо бояд танҳо ба саҳифа ворид шуда, пороли саҳифаатонро дар Google нависед ва тугмаи калони сабзро пахш кунед. Ин амал розигии истифодабарандаро барои воридшавӣ ба барномаи санҷишии Android Beta тасдиқ менамояд ва дар ҳол пас аз ду сония гаджети Шумо то Android N азнавсозӣ мегардад. Ҳама маълумотҳои асосии шахсӣ аз ҷиҳати назариявӣ бояд нигоҳ дошта шаванд, вале ба ҳар ҳол нусхаи захиравии онро пешакӣ омода карда мондан беҳтар аст. Зеро агар Шумо ногаҳон аз барномаи Android Beta баромаданӣ шавед, маълумот ба таври бебозгашт нест шуданаш мумкин аст.
Дорандагони смартфонҳои дигар ва планшетҳо маҷбур мешаванд, ки бо ёрии барномаҳои махсус блокировкаи гаджети худро кушода, барномаи Android N дарёфт карда гиранд ва ҳангоми насб намудани он номи ду дастаро бо дастон нависанд. Дар маҷмӯъ ин амали он қадар душвор нест, вале одаме, ки ҳоло ба қабули он тайёр нест, ин чиз барояш лозим не.
Оё меарзад, ки ҳамин ҳоло Android N-ро насб гардонем?
Android N Developer Preview ин тафсири ҳоло нотайёри системаи оператсиониест, ки барои коркардчиён пешбинӣ гардидааст, на барои доираи истифодабарандагони зиёд. Агар Шумо бо барномасзӣ барои Android машғул набошед, пас насб кардани Android N Developer Preview бароятон тавсия намедиҳем. Ба ғайр навгониҳои ҳамҷоя бо Android N Developer Preview дар боло номбурда боз бо як тӯдаи камбудиву мушкилиҳои зиёд дучор хоҳед шуд, ки дастгоҳи Шуморо барои истифодаи ҳаррӯза боз ҳам ноқулай ва душвор мегардонад.
Android N ин худ чӣ аст?
Android N ин номи ихтисоршудаи системаи нави оператсионии Google барои смартфонҳо, планшетҳо ва дигар дастгоҳҳо мебошад. Баромадани ин системаи нав ба тирамоҳи соли 2016 пешбинӣ карда шудааст. Ҳарфи N ин истинод барои пайдо кардани номи пурраи ОС мебошад. То ба амал татбиқгардонии Android 6.0 Marshmallow он Android M номида мешуд ва Android 5.0 Lollipop-ро бошад, Android L меномиданд. Оё Android N тафсири ҳафтуми ОС мешуда бошад ва ё индекси 6.1 инро мегирад, ҳоло маълум нест.
Ҳоло сухан танҳо дар бораи тафсири тақрибии системаи Android N Developer Preview меравад, ки барои ихтироъгарону коркарчиён пешбинӣ шудааст. Агар аз забони дустдорони кино ҳарф занем, ин ҳатто трейлер набуда, балки тизер мебошад. Ба ҳар ҳол Шумо аз ҳама пеш дар ин система аллакай ду функтсияи навро бо як нигоҳ дида метавонед. Муовфиқи ваъдаи ширкати Google барои дар шакли пурра дар амал татбиқ гардонидани он боз якчанд таҷрибаи навовариҳои Developer Preview гузаронида мешавад.
Ин қадар барвақт «баровардани» Android N барои Google чӣ лозим? Ҳамаш хело оддист. Барои пешакӣ ҷамъ овардани фикру ақидаи коркардчиён ва ҳамкорону истифодабарандагони доно мебошад.
Нет комментариев