Аёдати чанде аз собиқадорон дар арафаи Соли нави мелодӣ

0
692 просмотров

Раиси вилояти Суғд Раҷаббой Аҳмадзода дар арафаи Соли нави мелодӣ ва зимни сафарҳои корӣ ба шаҳрҳои Исфара, Бӯстон ва ноҳияи Бобоҷон Ғафуров як қатор собиқадорони меҳнатро аёдат намуд.

Раиси вилоят аз ҷумла дар шаҳри Бӯстон собиқадори меҳнат ва  ходими сиёсӣ Оқил Оқиловро аёдат карда, мавсуфро бо фарорасии Соли нави мелодӣ табрик намуд. Дар аснои суҳбат Раиси вилоят аз роҳи тайкардаи Оқил Оқилов ёдовар шуда, саҳми ӯро дар пешрафти соҳаҳои гуногуни хоҷагии халқи ҷумҳурӣ назаррас арзёбӣ кард. Оқил Оқилов солҳои зиёд дар вазифаҳои гуногуни роҳбарикунанда, аз ҷумла то замони ба нафақа баромаданаш дар вазифаи Сарвазири Ҷумҳурии Тоҷикистон фаъолият бурдааст.

Раиси вилоят ҳамзамон аз ҳоли собиқадорони меҳнат аз шаҳри Исфара Лидя Қосимова ва Бону Солиева, собиқадор аз шаҳри Бӯстон Ҷӯра Шокиров ва собиқадор аз ноҳияи Бобоҷон Ғафуров Санавбар Мирхолиқова хабар гирифта, онҳоро бо фарорасии Соли нави мелодӣ табрик гуфт ва ба ҳар кадоме кӯмакҳои моддӣ расонид.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Қабули навбатии Раиси шаҳр

Дар Мақомоти  иҷроияи ҳокмимяти давлатии шаҳри Хуҷанд дар асоси дастури Президенти Ҷумҳурии Тоҷикистон Эмомалӣ Раҳмон қабули навбатии шаҳрвандон аз ҷониби Раиси шаҳри Хуҷанд Раҷаббой Аҳмадзода ...

Сообщить об опечатке

Текст, который будет отправлен нашим редакторам: