Байни Кумитаи миллии олимпии Тоҷикистон ва ширкати “361”-и Чин созишнома ба имзо расид

0
451 просмотров

Дар шаҳри Сиамени Ҷумҳурии Мардумии Чин байни Кумитаи миллии олимпии Тоҷикистон ва Ширкати «361»-и Ҷумҳурии Мардумии Чин Созишномаи сарпарастӣ ба имзо расид.

Тавре Кумитаи миллии олимпии Тоҷикистон хабар медиҳад, созишнома аз ҷониби ноиби президенти Кумитаи миллии олимпии Тоҷикистон ва роҳбари аввали Ширкати «361» ба имзо расонида шуд.

Дар асоси ин созишнома Ширкати «361» ҳайати олимпии Ҷумҳурии Тоҷикистонро дар Бозиҳои 33-юми тобистонаи олимпии Париж – 2024 бо либосҳои расмӣ ва варзишӣ таъмин менамояд.

Зимни баимзорасонии Созишномаи сарпарастӣ ҷонибҳо ҳамчунин масъалаҳои омода намудани тарҳи либоси варзишии ҳайати олимпии мамлакат дар асоси рангҳои Парчами давлатӣ, шумораи либосҳо, андозаҳо, номгӯ, ҳамлу нақли либосҳо ва дигар корҳои ташкилиро мавриди баррасӣ қарор доданд.

Мавриди ёдоварӣ аст, ки дар асоси созишномаи ҳамкории қаблӣ Ширкати «361» ҳайати дастаи ҷумҳуриро дар Бозиҳои Осиёи Ҳангжоу бо либоси варзишӣ таъмин намуда буд.

Манбаъ: Варзиш-Тв

Нет комментариев

Также рекомендуем

Вазири маориф ва илм бо шароити озмоишгоҳҳои Донишкадаи политехникии шаҳри Хуҷанд шинос гардид

 Вазири маориф ва илми Ҷумҳурии Тоҷикистон Раҳим Саидзода бо фаъолияти Донишкадаи политехникии Донишгоҳи техникии Тоҷикистон ба номи академик Муҳаммад Осимӣ дар шаҳри Хуҷанд шинос шуд. ...

Сообщить об опечатке

Текст, который будет отправлен нашим редакторам: