Мақомоти иҷроияи ҳокимияти давлатии шаҳри Душанбе бо мақсади тарғибу ташвиқи имконоти сайёҳии пойтахт озмуни «Беҳтарин ролики сайёҳии шаҳри Душанбе»-ро дар соли 2024 эълон менамояд. Дар ин хусус ба АМИТ «Ховар» дар шуъбаи сайёҳии Мақомоти иҷроияи ҳокимияти давлатии шаҳри Душанбе хабар доданд.
Озмун аз рӯи 2 номинатсия: номинатсияи шахсони ҳуқуқӣ ва номинатсияи шахсони воқеӣ доир карда мешавад.
Иштирокчиёни озмун барои ишғоли ҷойи аввал соҳиби 5 000 сомонӣ, ҷойи дуюм – 3 000 сомонӣ ва ҷойи сеюм – 2000 сомонӣ мешаванд.
Маълумоти бештарро доир ба озмун хоҳишмандон метавонанд аз саҳифаҳои шуъбаи рушди сайёҳии Мақомоти иҷроияи ҳокимияти давлатии шаҳри Душанбе дар сомонаҳои иҷтимоӣ: Фейсбук: Dushanbe-travel, Инстаграм: dushanbe.travel ва Телеграм: Dushanbe.travel дастрас намоянд.
Муҳлати охири қабули роликҳо то 10 июни соли 2024.
Манбаъ: АМИТ Ховар
Нет комментариев