Cайре ба шаҳраки Шӯроб

0
4 108 просмотров

Шӯроб — шаҳраки ангиштканон, тобеи ноҳияи Исфара мебошад. Баъди ҳамроҳшавии Осиёи Миёна ба Россия ҷустуҷӯҳои геологӣ ва коркарди саноати кӯҳӣ дар Осиёи Миёна равнақ ёфтанд. Аз соли 1882 дар кони ангишти Шӯроб дар миқиёси начандон зиёд ба истеҳсоли ангишт шурӯъ карданд. Аз он вақт сар карда, дар он ҷо маҳаллаҳои коргарнишин сохта шуданд.

Соли 1914 дар шаш кони мавҷудаи Шӯроб 231 нафар коргарон кор карда, истеҳсоли солонаи ангишт як миллиону 816 пудро ташкил дод. Соли 1917 дар 25 хоҷагиҳои мавҷудаи Шӯроб 437 нафар ахолӣ зиндаги мекард. Соли 1925 шумораи ин хоҷагиҳо ба 100 расид. Бо Қарори КИМ ва ШКХ Ҷумҳурии Тоҷикистон аз 29 августи соли 1930 дар Шӯроб маҳаллаи коргарнишин ташкил ёфт. Президиуми КИМ ва ШКХ Ҷумҳурии Тоҷикистон 22 октябри соли 1937 дар бораи ташкили шаҳрҳо ва посёлкаҳои коргарӣ дар Ҷумҳурии Тоҷикистон қонун интишор намуд. Соли 1939 дар Шӯроб шахтаи нави ангишт ба кор сар кард, ки истеҳсоли солонаи он 500 ҳазор тоннаро ташкил медод. Дар асоси укази Шӯрои Олии Ҷумҳурии Тоҷикистон аз 6 феврали соли 1945 аз ҳисоби хурд кардани ноҳияи Исфара ноҳияи Шӯроб ташкил карда, ба ҳайати он посёлкаҳои коргарнишини Шӯроб, Шӯроҳои қишлоқи Ворух, Чоркӯҳ ва қишлоқи Наймани Шӯрои қишлоқи Сурх дохил карда шуд. Қишлоқи Найман аз ҷиҳати маъмурию ҳудуди ба ҳайати Шӯрои қишлоқи Чоркӯҳ ҳамроҳ карда шуд. Посёлкаи коргарнишини Шуроб маркази ноҳияи Шӯроб гардид. 24.03.1947 ноҳияи Шӯроб барҳам хӯрд ва ҳудуди он ба ноҳияи Исфара дохил шуд. 04.01.1963 Шӯроб ҳамчун шаҳр ба ҳайати шаҳри Исфара дохил карда шуд.

Ахоли 3673 нафар (2002). Асосан тоҷикон, қисман русҳо, кирғизҳо, тоторҳо, кореягиҳо ва дигар миллатхо буда, дар кони ангишт ва корхонаю муассиса ва ташкилотҳои Шӯроб ва дар шаҳри Исфара кор мекунанд. Аз маркази нохия 9 км масофа дорад ва бо шаҳраки Самарқандаки ноҳияи Боткони вилояти Боткони Чумхурии Қирғизистон ҳамсарҳад аст. Як шохаи роҳи оҳани шаҳри Исфара ба Шӯроб дохил мешавад. Заводи механики, омузишгохи касбҳои техники, мактабҳои тахсилоти хамагонии №3,8,11, мактаби мусики, касри ангиштканон, китобхона, шуъбаи алока, беморхона ва маркази мавчпахнкунандаи телевизиони дорад. Барои ангиштканон нашрияи бисёрадади «За уголь» (барои ангишт) бо забонҳои точикию руси чоп мешуд. Ахоли ва заминҳои наздихавлигии шаҳрак бо воситаи обкашхо аз дарёи Исфара об мехуранд.

Нет комментариев

Также рекомендуем

Сообщить об опечатке

Текст, который будет отправлен нашим редакторам: