Дар толори калони Қасри фарҳанги шаҳри Чкалов бахшида ба иди касбии кормандони соҳаи тиб, чорабинии бошукӯҳ дир гардид.
Раиси шаҳр Рухсора Давлатзода зимни суханронии хеш иди касбии табибонро, ки ҳамасола дар таърихи мавлуди алломаи Шарқ Абӯалӣ ибни Сино таҷлил мегардад, ба кормандони соҳаи тандурустӣ табрик гуфт ва қайд намуд, ки соҳаи тандурустӣ яке аз самтҳои афзалиятноки сиёсати иҷтимоӣ ба шумор рафта, сарвати бебаҳои миллат, омили рушди устувори ҷомеа буда, ҳолати солимӣ ва некӯаҳволии халқ, инъикоскунандаи вазъи иҷтимоӣ, иқтисодӣ ва фардои дурахшони ҳар як миллату давлат мебошад.
Ҳамзамон қайд карда шуд, ки дар миқёси шаҳр бо мақсади таъмини шароити хизматрасонии тиббӣ Беморхонаи шаҳрӣ, Маркази саломатӣ ва якчанд муассисаҳои тиббии хусусӣ фаъолият менамоянд. Маҳз талошҳои пайвастаи роҳбарони муассисаҳои тиббии шаҳр аст, ки ҷиҳати ҷалби бештари мутахассисони варзида кӯшиш ба харҷ дода, баҳри беҳтар гардонидани хизматрасонии тиббӣ чораҳо меандешанд.
Мансуров Фурқат, сардухтури диспансери саратоншиносии вилояти Суғд табрикоти Раиси вилоят Абдураҳмон Қодириро ба саҳми ҳозирин расонида, табибони шаҳро бо иди касбияшон табрик намуд.
Дар ҷараёни чорабинӣ ба як қатор кормандони соҳаи тиб барои хизматҳои шоён “Сипоснома” ва тӯҳфаҳои хотиравии мақомоти иҷроияи ҳокимияти давлатии шаҳри Чкалов супорида шуд.
Дар ин бора sugd.tj хабар медиҳад.
Нет комментариев