Дар Донишгоҳи давлатии Хуҷанд оид ба роҳҳои нави муқовимат ба ҳизбу ҳаракатҳои экстремистиву террористӣ ҳамоиш гузаронида шуд

0
408 просмотров

10 май дар Донишгоҳи давлатии Хуҷанд ба номи академик Бобоҷон Ғафуров таҳти унвони «Роҳу усулҳои нави муқовимат ба ҳизбу ҳаракатҳои динӣ ва экстремистиву террористӣ» ҳамоиши илмӣ-амалӣ баргузор шуд, хабар медиҳад АМИТ «Ховар» бо истинод ба донишгоҳ.

Дар ҳамоиш коршиносони Маркази тадқиқоти стратегии назди Президенти Ҷумҳурии Тоҷикистон, Маркази исломшиносии назди Президенти Ҷумҳурии Тоҷикистон, намояндагони мақомоти ҳифзи ҳуқуқи вилоят, доираи васеи устодону донишҷӯёни донишгоҳ иштирок намуда, роҳу усулҳои нави муқовимат ба ҳизбу ҳаракатҳои динӣ ва экстремистиву террористиро мавриди баррасӣ қарор доданд.

Таъкид гардид, ки дигаргуниҳои ҷаҳони муосир, ки аз равандҳои асосии ҷаҳонишавӣ сарчашма мегиранд, дар баробари зуҳури ҷараёнҳои пешқадам ба эҷоди зиддияти фикриву ақидавӣ сабаб мегарданд. Мутаассифона, имрӯзҳо гурӯҳҳову ташкилотҳои пайдо шудаанд, ки бо сӯиистифода аз номи дин ғояҳои мазмуни тундгароидоштаро талқин мекунанд, ки дар ниҳоят боиси зуҳури ифротгароии динӣ дар байни доираи васеи аҳолӣ мегардад.

Дар ҳамоиш дар мавзӯъҳои «Ҳифзи манфиатҳои миллӣ дар шароити тағйирёбандаи ҷаҳони муосир», «Роҳу воситаҳои пешгирии ифротгароӣ дар шароити ҷаҳонишавӣ ва бархӯрди тамаддунҳо» ва ғайра маърӯзаҳо шунида шуд.

Манбаъ: АМИТ «Ховар»

Нет комментариев

Также рекомендуем

Атамбаеву присвоили звание Героя Кыргызской республики

Новый Президент Киргизии Сооронбай Жээнбеков   своим указом присвоил звание Героя Кыргызской республики  бывшему президенту Алмазбеку Атамбаеву.  Так, впервые в истории Киргизии произошла мирная передача власти ...

Сообщить об опечатке

Текст, который будет отправлен нашим редакторам: