8-9 сентябри соли 2024 ба муносибати 33-солагии Истиқлолияти давлатии Ҷумҳурии Тоҷикистон дар маркази шаҳри Ню-Йорк (Амрико) — майдони Таймс Сквер (1560 Broadway, New York, NY 10036) навори ҷашнӣ пахш мегардад. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Иёлоти Муттаҳидаи Амрико иттилоъ медиҳад.
Навор дар биллборди (лавҳаи) 17 х 9.5 метр давоми як шабонарӯз дар дақиқаи 7-уми ҳар як соат намоиш дода мешавад.
Қобили таъкид аст, ки ҳамарӯза беш аз 500 ҳазор нафар аз майдони Таймс Сквер мегузаранд.
Инчунин хоҳишмандон наворро ба таври мустақим дар вақти муайянгардида (8 сентябр, соатҳои 00:07, 01:07, 02:07 ва ғайра то соати 23:07 бо вақти ш.Ню-Йорк (GMT-4) / мутаносибан 8—9 сентябр бо вақти ш.Душанбе (GMT+5)) дар суроғаи зерин тамошо карда метавонанд:
Нет комментариев