13 январи соли 2022 Раиси вилояти Суғд Раҷаббой Аҳмадзода бо фаъолияти хоҷагии деҳқонии “Уяс”-и Ҷамоати деҳоти Истиқлоли ноҳияи Спитамен шинос гардид.
Тавре зимни боздид аён гардид, аъзои хоҷагии деҳқонӣ дар фасли сармо низ ба корҳои саҳроӣ машғул буда, барои бунёди боғи нав меҳнат намуда истодаанд.
Хоҷагии деҳқонии “Уяс”-и Ассотсиатсияи истифодабарандагони оби “Тоҷикистон” соли 2006 ташкил шуда, дар он 62 саҳмдор фаъолият намуда истодаанд. Хоҷагии деҳқонӣ дорои 70 гектар замин буда, аз он 23,41 гектар заминҳои кормаи обӣ, 2 гектар боғот ва 44,5 гектар заминҳои корами лалмӣ мебошад.
Дар хоҷагии деҳқонии “Уяс” 12 гектар замин барои кишти пунбадона ва 5,40 гектар замин барои кишти шолӣ омода карда шуда, айни ҳол дар майдони 4 гектар гандум кишт гардидааст.
Аъзои хоҷагии деҳқонӣ айни ҳол тасмим гирифтаанд, ки 1 гектар боғи куҳнаро решакан намуда, ба ҷойи он боғи нави интенсивӣ бунёд намоянд.
Ба Раиси вилоят маълумот дода шуд, ки имсол дар ҷамоатҳои деҳоти ноҳия дар маҷмӯъ 100 гектар боғҳои интенсивӣ бунёд карда мешавад.
Манбаъ: Хадамоти матбуоти Раиси вилояти Суғд
Нет комментариев