Дар вилояти Суғд саршумори чорвои калон дар ҳамаи шаклҳои хоҷагидорӣ 719,3 ҳазор сарро ташкил медиҳад

0
338 просмотров

Ба ҳолати 1 январи соли 2023  саршумори чорвои калон дар ҳамаи шаклҳои хоҷагидории вилояти Суғд 719 ҳазору 329 сарро ташкил дода, соли гузашта 281 ҳазору 645 тонна шир истеҳсол карда шуд. Дар ин хусус ба хабарнигори АМИТ «Ховар» дар Сарраёсати кишоварзии вилояти Суғд иттилоъ доданд.

Дар вилояти Суғд барои рушди соҳаи чорводорӣ имконият бештар буда, хоҷагидорон ҷиҳати афзоиши истеҳсоли гӯшту шир ҳамасола саршумори чорвои зоти сермаҳсулро зиёд менамоянд.

Гуфта шуд, ки 93,1 фоизи саршумори чорвои калон ба хоҷагиҳои аҳолӣ рост меояд.

Тибқи маълумоти масъулин, нисбат ба соли 2021 саршумори чорвои калон 8,9 ҳазор сар зиёд гардида, Мақомоти иҷроияи ҳокимияти давлатии вилояти Суғд бо мақсади таъсиси фермаҳои нави молию ширӣ ҳамкориро бо хоҷагидорону соҳибкорони шаҳру ноҳияҳо густариш мебахшад.

Дар соли гузашта афзоиши саршумори чорвои калон дар хоҷагиҳои ноҳияҳои Деваштич — 8,5 фоиз, Спитамен — 2,0 фоиз ва Зафаробод — 1,9 фоизро ташкил дод.

Ба ҳолати 1 январи соли 2023 ҳаҷми истеҳсоли гӯшт дар ҳамаи бахшҳои хоҷагӣ 77795,2 тоннаро ташкил дод.

Бояд тазаккур дод, ки давоми солҳои охир дар натиҷаи татбиқи саривақтии барномаҳои давлатӣ дар вилоят саршумори чорво, хусусан чорвои зоти сермаҳсул зиёд гардида, чорводорон дар таъмини бозори дохилӣ бо гӯшту шир саҳми назаррас мегузоранд.

Манбаъ: АМИТ «Ховар»

Нет комментариев

Также рекомендуем

Эксперты СНГ обсудят вопросы минимизации случаев нарушения прав человека

Вопросы минимизации случаев нарушения прав человека будут обсуждены на заседании экспертной группы по согласованию проекта Плана мероприятий по реализации Концепции согласованной социальной и демографической политики ...

Сообщить об опечатке

Текст, который будет отправлен нашим редакторам: