Дирўз дар театри Хоҷа Камоли Хуҷандӣ ба муносибати Соли ҷавонон, 20 — солагии Рӯзи Ваҳдати миллӣ, 25 — солагии Иҷлосияи 16-уми Шўрои Олии Ҷумҳурии Тоҷикистон бозии ниҳоии маҳфили «Хушдилон ва ҳозирҷавобон»-и Донишгоҳи давлатии Хуҷанд ба номи академик Бобоҷон Ғафуров байни дастаи «Ноилоҷ»-и факултети биология ва химия, «Авҷ»-и факултети санъат, «Ханда»-и филологияи рус, «Пайравони Афандӣ»-и факултети забонҳои хориҷӣ баргузор гардид. Дастаҳо аз рўйи шартҳои муаррифии даста, саволу ҷавоб ва вазифаи хонагӣ бо ҳам қувваозмоӣ намуданд. Ҳамин тавр, дастаи «Ханда»-и факултети филологияи рус ҷойи аввал, «Пайравони Афандӣ»-и факултети забонҳои хориҷӣ ҷойи дуюм ва «Ноилоҷ»-и факултети биология ва химия ва «Авҷ»-и факултети санъат ҷойи сеюмро ба даст оварданд. Аз тарафи намояндаи Мақомоти иҷроияи ҳокимияти давлатии вилояти Суғд Мирзотоҳир Набиев, ректори донишгоҳ Ҷамшед Ҷўразода, мудири шуъбаи рушди иҷтимоӣ ва робита ба ҷомеаи дастгоҳи раиси шаҳри Хуҷанд Мирзоқосим Каримов ба ғолибон диплом ва тўҳфаҳои хотиравӣ тақдим карда шуданд.
Манбаъ: www.sugd.tj
Нет комментариев