Шабакаҳои иҷтимоии Facebook ва Instagram пас аз суқуте, ки саҳарии сешанбе 27 январ ба амал омада буд, аз нав оғоз карданд. Айни ҳол сомонаи Facebook фаъол буда, истифодабарандагон метавонанд ба аккаунтҳои худ дароянд. Мушкилоти пурраи кори Instagram низ бартараф гардид. Ба ғайр аз, сервисҳои шиносоии Tinder ва онлайн-рӯзномаи Diary.ru, ки инчунин 27 январ аз фаъолият монда буданд, фаъол гардиданд.

Қаблан хакерон аз гурӯҳҳои Lizard Squad хабар дода буданд, ки Facebook, Instagram, Tinder инчунин сервисҳои AIM, Hipchat-ро шикаста буданд. Дар ин бора дар саҳифаи Lizard Squad дар Twitter хабар дода буданд.  Истифодабарандагон тақрибан аз 9:30 бо вақти Москва ҳангоми ворид шудан ба Facebook бо мушкилот рӯбарӯ шуданд. Сомона дастнорас гардид, дар замимаҳои мобилӣ Facebook ва Messenger “лента” таҷдиди назар нагардида, дар фиристодани паёмакҳо ба ҳамдигар  маҳдудият пайдо шуд. Тахминан дар ҳамин вақту соат Instagram низ дастнорас гардид. Бино ба гуфти Associated Press,  бо чунин мушкилот истифодабарандагони Instagram ва Facebook дар ИМА ва кишварҳои Осиё рӯбарӯ шуданд.

Манбаъ: matrix-tv.tj