Тибқи маълумоти сомонаи Маркази миллии тестии назди Президенти Ҷумҳурии Тоҷикистон дар раванди бақайдгирии довталабон ба имтиҳоноти марказонидашудаи дохилшавӣ барои соли таҳсили 2015-2016, 58 495 нафар довталабон Донишгоҳи давлатии Хуҷанд ба номи академик Бобоҷон Ғафуровро интихоб намудаанд, ки дар миёни макотиби олии мамлакат ин нишондод ҷойи дуввумро касб менамояд.

ДДХ ба номи академик Бобоҷон Ғафуров дар рейтинги интихоби муассисаҳои таълимии таҳсилоти олии касбии ҷумҳурӣ то санаи 30-юми апрели соли 2015 бо миқдори 58 495 нафар ишғол намудааст, ки назар ба муқоиса бо натиҷаи соли гузашта, ки то санаи 30-юми апрели соли 2014 бо миқдори 37180 нафарро ташкил медод, 21315 нафар зиёд мебошад.

Гуфта мешавад, ки нақшаи қабули соли таҳсили 2015-2016-и Донишгоҳи давлатии Хуҷанд ба номи академик Бобоҷон Ғафуров 3424 нафар буда, аз он 280 нафарашонро довталабони тибқи квотаи Президентӣ таҳсил менамуда ташкил медиҳанд.

Ҳоло донишгоҳ аз рӯи 73 ихтисосҳои омӯзгорӣ ва ғайриомӯзгорӣ мутахассисони соҳаҳои гуногуни хоҷагии халқро тайёр менамояд.

Раёсати донишгоҳ тасмим гирифтааст, ки минбаъд низ талаботи бозори муосирро омӯхта, баҳри интихоби дурусти касбу ҳунар ва ташвиқу тарғиб ба ихтисосҳои нав чораҳои мушаххас хоҳад андешад.

Ҷоиз ба зикр аст, ки аз оғози нимсолаи дуюми соли таҳсили 2014-2015 аз ҷониби раёсати Донишгоҳ дар ҳамаи шаҳру ноҳияҳо гурӯҳҳои ташвиқотӣ-тарғиботии «Довталаб — 2015» ташкил карда шудааст. Дар асоси фармоиши Ректори Донишгоҳи давлатии Хуҷанд ба номи академик Бобоҷон Ғафуров ба 18 шаҳру ноҳияҳои вилоят, 18 гурӯҳи корӣ, дар ҳайати 155 нафар устодони соҳибтаҷрибаи Донишгоҳ ба шаҳру ноҳияҳои вилоят барои тарғибу ташвиқи ихтисосҳои Донишгоҳ сафарбар карда шудаанд.

Бори аввал нашрияи донишгоҳ Нури маърифат бо теъдоди 15 000 дар ҳаҷми 12 саҳифа бо таблиғи ихтисосҳои донишгоҳ ба нашр расида, дар қаламрави вилоят барои довталабон ройгон тақсим карда шуд. Дар  ин бора аз Маркази иттилоот ва таҳлили раёсати донишгоҳ иттилоъ медиҳанд.