Баҳори соли равон дафтари минтақавии ширкати байналмилалӣ (МОМ) озмуни «Муҳоҷирон-қувваи ноаёни Осиёи Миёна»-ро эълон карда буд. Дар озмун ҳам суратгирони касбӣ ва ҳам донишҷӯёни давлатҳои Қазоқистон, Қирғизистон, Ӯзбекистон, Тоҷикистон ва Туркманистон ширкат варзиданд.
Дар озмун мавзӯъҳои доир ба муҳоҷират, мушкилот ва эҳсосоти нафаре, ки хонаву наздикони худро тарк кардааст, инъикос ёфта буд.
Дар озмун ду ҷоиза, яке барои суратгирони касбӣ, дигаре барои донишҷӯён. Дирӯз тамоми аксҳои ба озмун роҳ ёфта, дар осорхонаи ба номи Кастееваи шаҳри Алмаатои Қазоқистон ба намоиш гузошта шуд.
Чи тавре, ки ба мо хабар доданд, баъд аз тамом шудани намоиш, нусхаи аксҳо ба давлатҳои иштирокчиён фиристода мешавад.
Ҷоизаи «Донишҷӯ»-ро Алмазбек Дуйшибоев ва Роҳоат Сагинбек аз Қазоқистон сазовор гардиданд. Дар байни суратгирони касбӣ Элёрнематов аз Ӯзбекистон Дидор Сулаймонов аз Тоҷикистон ва дизайнери ӯзбекистонӣ Диана Миндубоева соҳиби ҷоиза гардиданд.
Суратгири тоҷик, Дидор Саъдуллоев, ки соҳиби ҷои дувум гардид, се сол дар Маскав муҳоҷир буд. Дидор дар курси фотожурналистӣ таҳсил карда, ҳамчунин барои дарёфти маблағ дар бозор ба фурӯшандангӣ, аробакашӣ ва ба дигар намуди корҳо машғул шуда буд. Дар ин ҳангом аксҳои гуногун аз ҳаёти муҳочирони меҳнатӣ гирифтааст.
Дидор алҳол дар Душанбе зиндагӣ мекунад ва суратгири ҳафтаномаи «Тоҷикистон» мебошад. Мехоҳад бори дигар ба Русия равад, аммо на ба ҳайси боркаш, балки барои аксгирӣ.
Манбаъ: Сомонаи Тоҷикистон таймс
Нет комментариев