Дар Google Play барномаи хатарноки зараррасон дарёфт карда шуд. Он дар зери ниқоби замима барои берунории мусиқӣ аз шабакаи маъруфи иҷтимоии «ВКонтакте» вонамуд гардида, логин ва пароли истифодабарандагонро медуздад, гуфта мешавад дар тадқиқоти ширкати «Доктор Веб».
Таҳдиди пинҳонӣ.
Троян Android.PWS.Vk.3 ном гирифтааст. Он дар зери замимаи «Мусиқӣ аз ВК», ки дар Google Play ба табъ расидааст, пинҳон мебошад. Барнома дар ҳақиқат ҳам имкон медиҳад, ки аз «ВКонтакте» мусиқӣ гўш кунед. Вале барои ин лозим аст, ки Шумо парол ва логини худро аз шабакаи иҷтимоӣ барои азқайдгузарӣ нависед.
Бодиққат бошед!
Чуноне, ки мутахассисони «Доктор Веб» муайян намуданд, замима пинҳонӣ логин ва пароли истифодабарандагонро ба хадамоти бадхоҳон мефиристад. Ҳамин тавр, онҳо ба аккаунти истифодабарандагон дастрасии пурра пайдо мекунанд.
Даҳҳо ҳазор истифодабарандагон аккаунтҳои «ВКонтакте»-ро аз даст дода метавонанд.
Дар лаҳзаи аз нашр баромадани мавод замима то ҳол низ барои берунорӣ (скачивание) дар мағозаи замимаҳо барои Android дастрас мебошад. Мутобиқи маълумоти Google Play, замимаро аллакай 50 000 истифодабарандагон барои худ дастрас кардаанд.
Дўстони худро аз шабакаҳои иҷтимоӣ дар ин бора огоҳ намоед, шояд аккаунти онҳо аллакай шиската шуда бошад.
Нет комментариев